گۋاندۋن پروۆينتسياسىنداعى زياتكەرلىك عىلىم جانە تەحنولوگيا ينستيتۋتىنىڭ (GDIIST) عالىمدارى جاڭا بۋىنداعى BIE-1 اتتى ىقشام سۋپەركومپيۋتەردى كوپشىلىك نازارىنا ۇسىندى.
ەرەكشەلىگى – ول ءىرى ەسەپتەۋ ورتالىقتارىمەن تەڭ قۋاتتا جۇمىس ىستەي وتىرىپ, ەنەرگيانى 90 پايىزعا دەيىن از تۇتىنادى. BIE-1 قۇرىلعىسى 1 152 يادرومەن, 4,8 تەرابايت جەدەل جادىمەن, 204 تەرابايت ديسك كەڭىستىگىمەن جابدىقتالعان. ونىڭ دەرەكتەردى وڭدەۋ جىلدامدىعى سەكۋندىنا 500 مىڭ توكەنگە دەيىن جەتەدى. تاعى ءبىر ارتىقشىلىعى, ونى تەك عىلىمي زەرتتەۋ ورتالىقتارىندا ەمەس, كەڭسەلەر مەن ءۇي جاعدايىندا دا پايدالانۋعا بولادى.