ۇكىمەت مەملەكەت باسشىسى قاسىم-جومارت توقاەۆتىڭ حالىققا جولداۋىنداعى تاپسىرمالارى اياسىندا تۇراقتى ءوسىمدى قامتاماسىز ەتۋگە, كاسىپكەرلىكتى قولداۋعا, سونداي-اق ينۆەستيتسيالىق تارتىمدىلىقتى ارتتىرۋعا باعىتتالعان ەكونوميكانى دامىتۋ جونىندەگى شارالار كەشەنىن جۇزەگە اسىرىپ جاتىر, دەپ جازادى Egemen.kz.
وسى باعىتتا مەملەكەت ۇلەسىن تومەندەتۋ جانە باسەكەلەستىكتى دامىتۋ قاعيداتى جۇزەگە اسىرىلىپ جاتىر.
بيىلعى 1 قىركۇيەكتەگى جاعداي بويىنشا 922,1 ملرد تەڭگە سوماسىنداعى 396 مەملەكەتتىك نىسان باسەكەلەس ورتاعا بەرىلدى, 69 نىسان قايتا ۇيىمداستىرۋعا نەمەسە تاراتۋعا جىبەرىلگەن.
ءىرى مەملەكەتتىك كومپانيالار IPO/SPO-عا شىعارىلدى:
«قازمۇنايگاز» اق – 153,9 ملرد تەنگەگە, «KEGOC» اق – 22,6 ملرد تەنگەگە, «ەير استانا» اق – 10,6 ملرد تەنگەگە.ەكونوميكانى جاڭعىرتۋ ماسەلەلەرى جونىندەگى مەملەكەتتىك كوميسسيا 3 ترلن تەڭگەدەن استام بالانستىق قۇنى بار 400-دەن اسا كومپانيانى وڭتايلاندىرۋدى قولدادى.
2026-2030 جىلدارى ءۇش كەزەڭدى وڭتايلاندىرۋ جوسپارلانعان:
1 كەزەڭ (2026) – 200-گە جۋىق نىسان;
2 كەزەڭ (2027-2028) – 100-دەن استام كومپانيا;
3-كەزەڭ (2029-2030) – 60-قا جۋىق كومپانيا, نەگىزىنەن جىلۋ جانە ەنەرگەتيكا سالاسىندا.
باستى ماقسات – مەملەكەتتىك اكتيۆتەردى باسەكەلەس ورتاعا بەرۋ, ەكونوميكانىڭ تيىمدىلىگىن ارتتىرۋ جانە جەكە بيزنەستى دامىتۋ ءۇشىن جاعداي جاساۋ. سونىمەن قاتار باسەكەلەس سالالارداعى مەملەكەتتىك كاسىپورىندار سانىنىڭ قايتادان وسۋىنە جول بەرمەۋ ءۇشىن نورماتيۆتىك شارتتاردى پىسىقتاۋ كوزدەلگەن. مەملەكەتتىڭ كاسىپكەرلىك قىزمەتكە قاتىسۋىنا نەگىز بولاتىن تۇستار قىسقارتىلىپ جاتىر.
ەكونوميكانى دەمونوپوليزاتسيالاۋ
مەملەكەت باسشىسىنىڭ تاپسىرماسى بويىنشا 2022 جىلدان باستاپ ەكونوميكانى دەمونوپوليزاتسيالاۋ جونىندەگى كوميسسيا جۇمىس ىستەيدى. ناتيجەسىندە قىسقا مەرزىم ىشىندە بۇرىن جەكە قۇرىلىمدار باقىلايتىن اكتيۆتەر مەن قاراجات مەملەكەتتىك مەنشىككە قايتارىلدى.
اتاپ ايتقاندا, رەسپۋبليكالىق جانە كوممۋنالدىق مەنشىككە 17 اق مەن جشس-ءنىڭ اكتسيالار پاكەتتەرى مەن ولارعا قاتىسۋ ۇلەستەرى, شىعىس قازاقستان وبلىسىنداعى م ۇلىكتىك كەشەن, 7 عيمارات, 162 تەمىرجول مەن قۇرىلىس نىساندارى, 7 اۆتوموبيل جانە وزگە دە (2 مىڭنان استام بىرلىك) م ۇلىكتەر بەرىلدى.
بۇدان بولەك, «قازاقستان حالقىنا» قوعامدىق قورىنا 1 ملرد تەڭگە اۋدارىلدى. ءبىلىم بەرۋ ينفراقۇرىلىمىن قولداۋ قورىنا $100 ملن جانە 1,49 ملرد تەڭگە بەرىلدى.