ۇلىتاۋ وبلىسىندا جول ماسەلەسىنىڭ كۇردەلى ەكەندىگى اراگىدىك ايتىلىپ قالادى. جەرگىلىكتى حالىق وبلىستا جول جوندەۋ, كولىك-لوگيستيكالىق الەۋەتتى ارتتىرۋ ماقساتىندا اتقارىلىپ جاتقان اۋقىمدى جۇمىستاردى بۇگە-شىگەسىنە دەيىن بىلە بەرمەيدى.
مەملەكەت باسشىسى قاسىم-جومارت توقاەۆ حالىققا جولداۋىندا وڭىرلەردە كولىك ينفراقۇرىلىمىن جاڭعىرتۋ, لوگيستيكالىق جۇيەلەردى جەتىلدىرۋ, ساپالى جول سالۋ – ەكونوميكانىڭ دامۋى مەن حالىقتىڭ ءومىر ءسۇرۋ ساپاسىن ارتتىرۋدىڭ نەگىزگى فاكتورى ەكەنىن ايتقان ەدى.
قازىرگە دەيىن «ساقالدى» قۇرىلىستىڭ قاتارىنا ەنگەن رەسپۋبليكا ءۇشىن اسا ماڭىزدى كۇردەلى جوبا – جەزقازعان –قىزىلوردا اۆتوجولىن قايتا جاڭعىرتۋ جۇمىستارى جۇرگىزىلىپ جاتىر. بىلىكتى مامانداردىڭ جۇمىلۋىمەن بيىل 50 شاقىرىم جولدى اياقتاۋدى جوسپارلاپ وتىر. سونداي-اق قاراجال – اتاسۋ, ۇلىتاۋ – ارقالىق, اقادىر – اقشاتاۋ – ورتاۋ باعىتتارىندا دا جوندەۋ, رەكونسترۋكتسيالاۋ جۇمىستارى جۇرگىزىلىپ جاتىر.
ۇلىتاۋ وبلىسىنىڭ اكىمى داستان رىسپەكوۆ اۆتوموبيل كولىگى جانە اۆتوجول سالاسى قىزمەتكەرلەرىنىڭ كاسىبي مەرەكەسىندە سويلەگەن سوزىندە وڭىردە وسى باعىتتا قولعا الىنعان جۇمىستار تۋرالى ايتتى.
– جەزقازعان – قاراعاندى باعىتىنداعى 355 شاقىرىمدىق ۋچاسكەنىڭ جاعدايىمەن تانىسپىن, حالىقپەن بىرگە مەن دە بۇل تاسجول ءۇشىن الاڭداۋشىلىق بىلدىرەمىن. قازىر اتالعان جولدى قالىپقا كەلتىرۋ ءۇشىن حالىقارالىق تەندەر جاريالاندى. جوبا حالىقارالىق قايتا قۇرۋ جانە دامۋ بانكى ەسەبىنەن قارجىلاندىرىلۋعا ءتيىس. بۇل – كەلەشەكتە ءوڭىردىڭ كولىك ينفراقۇرىلىمىن تۇبەگەيلى جاقسارتۋعا جول اشاتىن ماڭىزدى باستاما. ۇلىتاۋ وبلىسىنىڭ كارتادا عانا ەمەس, لوگيستيكالىق مۇمكىندىگى تۇرعىسىنان دا ەلىمىزدىڭ ناعىز ورتالىق وڭىرىنە اينالاتىنىنا سەنىم مول. وعان تاعى ءبىر ايقىن دالەل – ۇلىتاۋدان قورعالجىن ارقىلى استاناعا قاتىنايتىن جاڭا باعىت سالۋ جوباسى. قازىر بۇل باستاما بويىنشا ماسەلەنى قاراستىرۋ ءۇشىن ۇكىمەتكە ۇسىنىس ەنگىزىلدى. وسىلايشا, وبلىسىمىزعا كەلەتىن تۋريست سانى دا ارتىپ, ەكونوميكانىڭ وسىمىنە وڭ ىقپال ەتۋگە ءتيىس. سونداي-اق بۇل تۇرعىدا قورعانباي اۋىلى ارقىلى جوشى حان كەشەنىنە اپاراتىن جول سالىنادى. جۇمىستار كەلەسى جىلى باستالۋعا ءتيىس. وعان قوسا, سارلىق اۋىلىنان حان ورداسىنا دەيىن باراتىن جولدىڭ كونفيگۋراتسياسى وزگەرتىلۋدە, قازىرگى ۋاقىتتا سمەتاسى دايىن, – دەدى وبلىس اكىمى.
جالپى, وڭىردەگى اۆتوموبيل جولدارىنىڭ ۇزىندىعى – 2 711,7 شاقىرىم, ونىڭ ىشىندە: رەسپۋبليكالىق ماڭىزى بار – 961 شاقىرىم, وبلىستىق ماڭىزى بار – 896 شاقىرىم, اۋداندىق ماڭىزى بار جول – 310,1 شاقىرىم, قالالار مەن اۋداندار كوشەلەرىنىڭ جولدارى – 544,6 شاقىرىم.
2025 جىلى ۇلىتاۋ وبلىسى بويىنشا 137,2 شاقىرىم اۆتوموبيل جولىن ورتاشا جوندەۋگە 10 ملرد تەڭگە (وبلىستىق بيۋدجەتتەن 8,2 ملرد تەڭگە, جەرگىلىكتى بيۋدجەتتەن 1,8 ملرد تەڭگە) ءبولىندى.
وبلىستىق ماڭىزى بار اۆتوموبيل جولدارىنىڭ قۇرىلىس جۇمىستارىن تاراتىپ ايتساق, ساتباەۆ – مالشىباي – جوشىحان دومباۋىل باعىتىندا التى شاقىرىم جول قۇرىلىسىن سالۋعا جانە كوپىر قۇرىلىسىنا – 1 110,8 ملن تەڭگە ءبولىندى. بۇگىندە التى شاقىرىمعا ۇساق تۇيىرشىكتى اسفالتبەتون توسەلدى. كوپىر سالۋ جۇمىسى تولىق اياقتالدى. ال ساتباەۆ – مالشىباي 30 شاقىرىم جولدى قايتا جاڭارتۋ ءۇشىن جوبالاۋ-سمەتالىق قۇجات دايىنداۋعا 112 ملن تەڭگە ءبولىندى. قازىر مەردىگەر «مەكەن جانە كومپانيا» تولىق شارۋاشىلىق سەرىكتەستىگى جۇمىس اتقارىپ جاتىر. جيىرما شاقىرىمدىق العاباس – شۇباركول باعىتى بويىنشا جول قۇرىلىسىنا جوبالاۋ-سمەتالىق قۇجات ازىرلەۋگە 70 ملن تەڭگە ءبولىنىپ, مەردىگەر «قوستانايدورپروەكت» جشس جۇمىس جۇرگىزۋدە. ۇلىتاۋ – بوزتۇمسىق-مالشىباي – ساتباەۆ (20-40 شاقىرىم) اۆتوجولدى اعىمداعى جوندەۋگە – 120,0 ملن تەڭگە ءبولىنىپ, مەردىگەر «Standart Energy», جۇمىسىن تولىق اياقتادى. جالپى سيپاتتاعى ترانسفەرت (توح) بويىنشا – 2,4 ملرد تەڭگە ءبولىندى.
وبلىستىق ماڭىزى بار جەزقازعان –پەتروپاۆلوۆسك – جەزدى – قارساقباي – بايقوڭىر – قوسكول» (221 شاقىرىم) اۆتوموبيل جولىنىڭ قارساقباي – بايقوڭىر باعىتى بويىنشا جالپى ۇزىندىعى 51 شاقىرىمدى قۇرايتىن اۆتوموبيل جولىن ورتاشا جوندەۋ جۇمىستارى ءجۇرىپ جاتىر. قارساقباي – بايقوڭىردىڭ 21 شاقىرىم (35-56 شاقىرىم) باعىتى بويىنشا – 125,2 ملن تەڭگە ءبولىنىپ, مەردىگەر – «ارمستروي» نىساندى 2026 جىلى اياقتاۋدى كوزدەپ وتىر. بيىل 21 شاقىرىم جولدىڭ تەرەڭدىگى-شۇقىرلاردى تەگىستەۋ جۇمىستارىن اياقتايدى. قارساقباي – بايقوڭىر 15 شاقىرىم (56–71 شاقىرىم) باعىتى بويىنشا – 1 087,9 ملن تەڭگە ءبولىندى. مەردىگەر «دوروجنيك» ونەركاسىپتىك كووپەراتيۆى ورتاشا جوندەۋ جۇمىستارىن باستاپ, ءتورت شاقىرىمعا اسفالت جابىندىسى توسەلدى ءارى ون شاقىرىمعا رەسايكلەر ادىسىمەن تەگىستەۋ جۇمىستارى ورىندالدى.
اتاسۋ – اينابۇلاق (140–149 شاقىرىم) باعىتى بويىنشا توعىز شاقىرىمدى ورتاشا جوندەۋگە – 755,7 ملن تەڭگە ءبولىنىپ, مەردىگەر «جاڭارقا-2006» وزدەرىنە تيەسىلى جوندەۋ جۇمىسىن اياقتاپ شىقتى.
«اۋىل – ەل بەسىگى» باعدارلاماسى بويىنشا جاڭاارقا جانە ۇلىتاۋ اۋداندارىنا 20,12 شاقىرىمعا ورتاشا جول جوندەۋگە 699 ملن تەڭگە ءبولىندى.
جاڭاارقا اۋدانىندا 8,02 شاقىرىم جولعا 349,544 ملن تەڭگە قاراستىرىلىپ, جۇمىس تولىق اياقتالدى. ۇلىتاۋ اۋدانىنا 384,499 ملن تەڭگە ءبولىنىپ, 12,1 شاقىرىم جولعا جوندەۋ جۇمىستارى باستالدى.
جەزقازعان قالاسىندا جالپى ۇزىندىعى 18 شاقىرىمدى قۇرايتىن قالانىڭ 12 كوشەسىندە ورتاشا جوندەۋ قولعا الىنعان. بۇگىندە 17 شاقىرىم ورتاشا جوندەۋ جۇرگىزىلدى.
ونىڭ جالپى قۇنى – 4,056 ملرد تەڭگە (2 ملرد تەڭگە وبلىستىق بيۋدجەتتەن). قالانىڭ ورتالىق كوشەلەرىندە جاڭا تەحنولوگيالاردىڭ كومەگىمەن قيىرشىق تاستى ماستيكالىق اسفالتبەتون (شما) قولدانىلىپ جاتىر. جوندەۋ جۇمىسى جاقىندا اياقتالادى.
سونىمەن قاتار «Standart Energy» تاراپىنان تەمىرجول وتكەلىنەن اينالما جولعا دەيىنگى ۋچاسكەسى جانە جەزقازعان قالاسىنىڭ اۋەجايىنىڭ تۇراق ايماعى اۆتوجولىنا اعىمداعى جوندەۋ جۇمىستارى جۇرگىزىلدى. جوندەۋ جۇمىستارى بويىنشا جالپى كەلىسىمشارت سوماسى 68 ملن تەڭگە. ساتباەۆ قالاسىنداعى 7,53 شاقىرىم كوشەلەردى ورتاشا جوندەۋگە 569 ملن تەڭگە ءبولىندى. قازىر بەس شاقىرىم ورتاشا جوندەۋ جۇمىستارى ورىندالدى. قاراجال قالاسى بويىنشا قاراجال – قىلىش باعىتىنداعى 13 شاقىرىم جولدى ورتاشا جوندەۋگە 909 ملن تەڭگە ءبولىنىپ, وندا مەردىگەر «تسەنتردورستروي» جۇمىس ىستەپ جاتىر. جايرەم كەنتىندە مەردىگەر «ارقا قۇرىلىس 2009» 4,82 شاقىرىم كوشەگە ورتاشا جوندەۋ جۇرگىزىپ, شارت سوماسى – 258,9 ملن تەڭگە تولىق يگەرىلدى. ۇلىتاۋ اۋدانىنداعى سارلىق اۋىلىنا كىرە بەرىس 20-30 شاقىرىم اۋماقتى ورتاشا جوندەۋ جۇمىسىنا 645 ملن تەڭگە جۇمسالدى. «سامعا» 2024 جىلى 195 ملن تەڭگە جۇمىسىن ورىنداپ, قارجى تولىق يگەرىلدى. بيىل وبلىستىق بيۋدجەتتەن 450 ملن تەڭگە قارجى ءبولىنىپ, اۆتوموبيل جولىنىڭ رەسايكلەر جانە اسفالت توسەمى جۇرگىزىلدى. اتالعان اۋدانداعى جىلاندى اۋىلىنا كىرە بەرىس 0-21,27 شاقىرىم ورتاشا جوندەۋ جۇمىستارى 1,475 ملرد تەڭگەنى قۇرايدى. جۇمىستى بيىل اياقتاۋ ءۇشىن 578,9 ملن تەڭگە قارجى قاجەت دەپ وبلىستىق بيۋدجەتكە ءوتىنىم بەرىلدى. وبلىستىق بيۋدجەتتەن 100 ملن تەڭگە ءبولىنىپ, رەسايكلەر تولىعىمەن 21,270 شاقىرىم جاسالدى, 10,2 شاقىرىم اسفالت جابىندىسى توسەلدى.
وبلىس اۋماعىندا كوپىر سالۋ, قايتا جاڭعىرتۋ جۇمىستارى باستى نازاردا. ايتالىق, اقىلباي وزەنى ارقىلى وتەتىن كوپىردى قايتا جاڭارتۋعا جوبا سوماسى 323 ملن تەڭگە قاراستىرىلدى. بيىل 234,4 ملن تەڭگە بولىنسە, ونىڭ 134,4 ملن تەڭگەسى رەسپۋبليكالىق بيۋدجەتتەن, 100,0 ملن تەڭگە وبلىستىق بيۋدجەتتەن قارجىلاندىرىلدى. كوپىر قۇرىلىسى اياقتالىپ, قوسىمشا اسفالتبەتون توسەۋ سياقتى قوسىمشا جۇمىستار قالدى. ازىرگە ءبىرىنشى قابات اسفالتبەتون جۇمىستارى جۇرگىزىلدى. جاقىندا نىساندى قابىلداپ الۋ جوسپارلانىپ وتىر. سارىسۋ وزەنى ارقىلى وتەتىن كوپىردى سالۋعا جوبا سوماسى – 2,1 ملرد تەڭگە, ونىڭ ىشىندە 2025 جىلعا 577,6 ملن تەڭگە ءبولىندى. بۇل جوبانى اياقتاۋ ءۇشىن 1 385,7 ملن تەڭگە قاجەت. ءتيىستى بيۋدجەتتىك ءوتىنىم كولىك مينيسترلىگىنە ماۋسىم ايىندا جولداندى.
تاعى ءبىر ايتا كەتەرلىگى – قالالىق كولىك جۇيەسىن جاڭارتۋ جانە قالا كەلبەتىن جاقسارتۋ, تۇرعىندارعا جايلى قوزعالىستى قامتاماسىز ەتۋ ماقساتىندا 17 جاڭا اۆتوبۋس ساتىپ الىندى. سونداي-اق مەملەكەت باسشىسىنىڭ تاپسىرماسىنا سايكەس, بيىل ۇلىتاۋ وبلىسى بويىنشا ءتورت تەمىرجول ۆوكزالى: جەزقازعان, قاراجال, جاڭاارقا جانە قىزىلجار ستانسالارىن جاڭعىرتۋ جۇمىستارى قولعا الىندى. وعان قوسا, ۇزىندىعى 316 شاقىرىم بولاتىن قىزىلجار – مويىنتى تەمىرجولىنىڭ قۇرىلىسى قارقىندى جۇرگىزىلىپ جاتىر. ال جەزقازعان – سەكسەۋىل تەمىرجول ۋچاسكەسىندە وتكىزۋ قابىلەتى 8 جۇپ پويىزدان 20 جۇپ پويىزعا ۇلعايادى.
ۇلىتاۋ وبلىسى