25 قازان – رەسپۋبليكا كۇنى قارساڭىندا بىرقاتار قالامگەر مەملەكەتتىك ناگرادالارمەن ماراپاتتالدى. ناگرادالاردى قازاقستان جازۋشىلار وداعى باسقارماسىنىڭ توراعاسى مەرەكە قۇلكەنوۆ تابىستادى, دەپ جازادى Egemen.kz.
سالتاناتتى جيىننىڭ كىرىسپە ءسوزىن اشقان مەرەكە ابدەش ۇلى جيىلعان قاۋىمدى ۇلتتىق مەرەكەمەن قۇتتىقتاپ, قالامگەرلەر قاۋىمىنىڭ تاۋەلسىز قازاقستاندى كوركەيتۋ جولىندا جۇزەگە اسىرىپ جاتقان جۇمىستارىن اتاپ ءوتتى.
جيىن بارىسىندا جاقىپجان نۇرعوجاەۆ «پاراسات» وردەنىن, تالعات ايتباي, المات ءيسادىل, ساعىنگەرەي بايمەنوۆ, كولباي ادىربەك ۇلى «قۇرمەت» وردەنىن, اشىربەك كوپىشوۆ, مارات توقاشباەۆ, دانداي ىسقاق ۇلى, سۇلەيمەن مامەت «قازاقستاننىڭ ەڭبەك سىڭىرگەن قايراتكەرى» اتاعىن, جانار ابدەشوۆا, گاۋحار جۇماعۇلوۆا, ماقسات مالىك, بەيبىت سارىباي, ماگامەدين وبىلكاسىموۆ «ەرەن ەڭبەگى ءۇشىن» مەدالىن, بەيبىت قويشىباەۆ, ايشا كوپجاساروۆا «قازاقستاننىڭ قۇرمەتتى جازۋشىسى» اتاعىن يەلەندى.