بيىلعى 1 قازانعا دەيىن 5387 ازاماتقا زياندى ەڭبەك جاعدايلارىندا ۇزاق ۋاقىت جۇمىس ىستەگەن ادامدارعا ارنالعان ارناۋلى الەۋمەتتىك تولەم ء(اات) تاعايىندالدى, دەپ جازادى Egemen.kz.
اتالعان تولەمدى الۋعا جالپى 5468 ادام ءوتىنىش بىلدىرگەن. ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە ەكى كوزدەن تولەنەتىن ارناۋلى الەۋمەتتىك تولەمگە (رەسپۋبليكالىق بيۋدجەت جانە بىرىڭعاي جيناقتاۋشى زەينەتاقى قورى) 436 ادام جۇگىندى, ونىڭ ىشىندە 431 ادامعا تاعايىندالدى.
ءتورت قارجىلاندىرۋ كوزىنەن بەرىلەتىن ءاات (رەسپۋبليكالىق بيۋدجەت, بىرىڭعاي جيناقتاۋشى زەينەتاقى قورى, جۇمىس بەرۋشى جانە ءومىردى ساقتاندىرۋ ۇيىمى) تاعايىنداۋعا 5032 ادام ءوتىنىش ءبىلدىرىپ, ونىڭ 4956-ىنە تاعايىندالعان.
سونداي-اق, 116 ازامات ساقتاندىرۋ كومپانياسىمەن زەينەتكەرلىك اننۋيتەت شارتىن جاساۋ ماقساتىندا جولدانعان سمس حابارلاماعا 75 ازامات جاۋاپ بەرمەگەن. مىندەتتى شارتتاردى ورىنداماعاندىقتان 6 ءوتىنىش بەرۋشىگە ءاات تاعايىنداۋدان باس تارتىلدى.
وڭىرلەر بويىنشا ارناۋلى الەۋمەتتىك تولەمدەردى الۋعا ەڭ كوپ ءوتىنىش قاراعاندى وبلىسىنان ءتۇستى: 2 كوزدەن – 66 ادام, 4 كوزدەن – 720 ادام. ال پاۆلودار وبلىسىندا 2 كوزدەن – 27 ادام, ال 4 كوزدەن – 671 ادام جانە شىعىس قازاقستاننان 2 كوزدەن – 39 ادام, ال 4 كوزدەن – 398 ادام تىركەلگەن.
2024 جىلدىڭ 1 قاڭتارىنان باستاپ ەلىمىزدە زياندى ەڭبەك جاعدايلارىندا ۇزاق ۋاقىت جۇمىس ىستەگەن ادامدارعا ارناۋلى الەۋمەتتىك تولەم ەنگىزىلدى.
ارناۋلى الەۋمەتتىك تولەم تاعايىنداۋ ءۇشىن ءوتىنىش بەرۋشى 55 جاسقا تولۋى شارت. سونداي-اق بىرىڭعاي جيناقتاۋشى زەينەتاقى قورىندا (بجزق) كەمىندە 7 جىل كاسىپتىك زەينەتاقى اۋدارىمدارىنىڭ بولۋى مىندەتتى. تولەم زەينەتكەرلىك جاسقا دەيىن تولەنەدى. ارناۋلى الەۋمەتتىك تولەمدەردى الۋشى ادام ودان ءارى زياندى جۇمىستارمەن اينالىسپاۋعا ءتيىس. تەك جەڭىل جۇمىسقا اۋىسا الادى, سودان كەيىن ولار جالاقى مەن تولەم الادى نەمەسە دەمالىسقا شىعىپ, زەينەتكە شىققانعا دەيىن ارناۋلى الەۋمەتتىك تولەم بەرىلەدى.