الەۋمەتتىك سالا مەن ونەركاسىپتەگى ستارتاپتار قولداۋ تابادى

وتاندىق  Paradigm Shift (CodiPlay) كومپانياسىنىڭ وكىل­دەرى جاڭا جوبالاردىڭ جۇزەگە اسىرىلۋ بارىسى تۋرالى ايتىپ بەردى. AI Kitap  – بۇل مەكتەپ پاندەرى بويىنشا ءار وقۋشىنىڭ دەڭگەيىنە قاراي وقۋ ماتەريالىن لايىقتاۋعا ارنالعان, پروگرەسكە تالداۋ جاسايتىن ءارى بىلىمدەگى ولقىلىقتاردى انىقتايتىن  تسيفرلىق وقۋلىق. ونىڭ جۇمىس نۇسقاسى ازىرلەندى, AI Kitap AITU-مەن ينتەگراتسيالانىپ جاتىر.

OlympIQ – سپورتتى دامىتۋ­عا ارنالعان تەحنولوگيالىق پلاتفورما. جۇيە اناليتيكالىق, وپە­را­­تسيالىق, مەديتسينالىق, ۇيىم­­داس­تىرۋشىلىق دەرەكتەردى جا­سا­ن­دى ينتەللەكت ارقىلى وڭ­دەۋگە مۇم­كىندىك بەرەدى. ونىڭ جول كارتاسى ازىرلەندى, پروتوتيپ­تەر­دىڭ العاشقى نۇسقالارى دايىندالدى.

پرەمەر-مينيسترگە AI Kitap جانە OlympIQ جوبالارىن قاناتقاقتى رەجىمدە ەنگىزۋ قا­راس­تىرىلاتىن مەكتەپتەر مەن سپورت فەدەراتسيالارىنىڭ تىزبەسى جاسال­عانى ايتىلدى.

«جاساندى ينتەللەكت تەحنولوگيالارىن دامىتۋ – ۇكىمەت­تىڭ باستى مىندەتى. ءبىز وتاندىق كومپانيالاردىڭ ونىمدەرىن جان-جاقتى قولداۋعا دايىنبىز», دەدى و.بەكتەنوۆ.

بۇعان قوسا كەزدەسۋدە كومپا­نيا­نىڭ وندىرىستىك ۇدەرىستەردى وڭتايلان­دىرۋعا, ەنەرگەتيكا مەن كولىك سالالارىنىڭ تيىمدىلى­گىن ارتتىرۋعا, وپەراتسيا­لىق شى­عىن­داردى ازايتۋعا, تاۋەكەلدەر­دى باسقارۋعا كومەكتەسەتىن تەحنو­لو­گيالاردى جاساپ شىعارۋ باس­تامالارى قارالدى. ونىڭ ونىم­دەرىنە ماڭىزدى سالالارعا ەنگىزىل­گەن دەرەكتەردى تالداۋ, بولجاۋ مەن اۆتوماتتاندىرۋدىڭ ينتەللەكتۋالدى جۇيەلەرى كىرەدى.

كەزدەسۋ قورىتىندىسى بو­يىنشا ۋاكىلەتتى ورگاندارعا IT-ما­مان­­داردىڭ ايتقان ۇسىنىس­تارىن قا­راستىرۋ تۋرالى تاپسىرما بەرىلدى.