مەملەكەتتىك كەڭەسشى ەرلان قاريننىڭ ايتۋىنشا, ەل ازاماتتارى پارلامەنتتىك رەفورمانى تالقىلاۋ مەن ونى جەتىلدىرۋگە ءوز ۇلەسىن قوسا الادى, دەپ حابارلايدى Egemen.kz.
ەستەرىڭىزگە سالا كەتەيىك, پرەزيدەنت جۇمىس توبىنىڭ العاشقى وتىرىسىندا ەل ازاماتتارىنىڭ پارلامەنتتىك رەفورمانى تالقىلاۋعا قاتىسۋى ماڭىزدى ەكەنىن اتاپ ءوتتى.
«مەملەكەت باسشىسى جۇمىس توبىنىڭ العاشقى وتىرىسىندا ەل ازاماتتارىنىڭ پارلامەنتتىك رەفورمانى تالقىلاۋعا قاتىسۋى ماڭىزدى ەكەنىن اتاپ ءوتتى. پرەزيدەنتتىڭ تاپسىرماسى بويىنشا مەملەكەتتىك e-Otinish پلاتفورماسىندا جانە eGov سەرۆيسىندە ازاماتتاردىڭ پارلامەنتتىك جۇيەنى جەتىلدىرۋ جونىندەگى ۇسىنىستارىن جيناۋ ۇيىمداستىرىلادى», دەدى ەرلان قارين.
ونىڭ سوزىنشە, ازاماتتار «پارلامەنتتىك رەفورما» اتتى ارنايى ءبولىم ارقىلى ءوز ۇسىنىستارىن جولداي الادى.
«پارلامەنتتىك رەفورمانى مەملەكەت پەن قوعام اراسىنداعى اشىق ديالوگ ارقىلى جۇزەگە اسىرۋ مەملەكەت باسشىسىنىڭ «حالىق ۇنىنە قۇلاق اساتىن مەملەكەت» تۇجىرىمداماسىنىڭ قاعيداتتارىنا تولىق سايكەس كەلەدى», دەپ اتاپ ءوتتى مەملەكەتتىك كەڭەسشى.