مەكسيكادا بىرنەشە كۇن بويى تولاسسىز جاۋعان نوسەر جاۋىن مەن تروپيكالىق داۋىلداردىڭ سالدارىنان سۋ تاسقىنى بولدى. ەل بيلىگى 64 ادامنىڭ مەرت بولعانىن, تاعى 65 تۇرعىننىڭ حابارسىز كەتكەنىن راستادى, دەپ حابارلايدى Egemen.kz.
مەكسيكانىڭ بىرنەشە شتاتىندا تابيعي اپات سالدارىنان جاعداي ۋشىعىپ تۇر. ۇلتتىق ازاماتتىق قورعاۋ ۇيلەستىرۋ باسقارماسىنىڭ (CNPC) مالىمەتىنشە, «پريستسيللا» جانە «رايموند» تروپيكالىق داۋىلدارى تۋدىرعان نوسەر جاڭبىر وتكەن اپتادان بەرى تولاستاماي, كوپتەگەن ەلدى مەكەندەردى سۋ باسقان.ەڭ اۋىر جاعدايلار ۆەراكرۋس, پۋەبلا, يدالگو, كەرەتارو جانە سان-لۋيس-پوتوسي وڭىرلەرىندە تىركەلىپ وتىر. بۇل ايماقتاردا مىڭداعان تۇرعىن ۇيلەرىنەن ايىرىلىپ, جۇزدەگەن ادام ەۆاكۋاتسيالانعان.مەكسيكا پرەزيدەنتى كلاۋديا شەينباۋم ۇلتتىق سارايدا وتكەن ءباسپاسوز جيىنىندا اپات ايماقتارىنا كومەك كورسەتۋ جۇمىستارى كۇشەيتىلگەنىن حابارلادى. ونىڭ ايتۋىنشا, ىزدەستىرۋ-قۇتقارۋ توپتارى ۇزدىكسىز ەڭبەك ەتىپ, تۇرعىندارعا ازىق-ت ۇلىك, اۋىزسۋ, كيىم جانە ءدارى-دارمەك جەتكىزىلىپ جاتىر.جەرگىلىكتى باق دەرەكتەرىنە قاراعاندا, بۇل سوڭعى جىلدارداعى ەڭ اۋقىمدى سۋ تاسقىنى بولىپ وتىر. تابيعي اپاتتان 250 مىڭنان استام ادام زارداپ شەگىپ, 50 مىڭعا جۋىق تۇرعىن ءۇي زاقىمدانعان.