كەشە پالاتا سپيكەرى قابيبوللا جاقىپوۆتىڭ توراعالىعىمەن ءماجىلىس بيۋروسى ءوتىپ, جالپى وتىرىستىڭ كۇن ءتارتىبى ناقتىلاندى, دەپ حابارلادى وسى پالاتانىڭ ءباسپاسوز قىزمەتى.
دەپۋتاتتار نازارىنا «بىتىمگەرشىلىك قىزمەت تۋرالى» زاڭ جوباسىن ىلەسپەلى تۇزەتۋلەرمەن ءبىرىنشى وقىلىمدا, ال, «ءۇشىنشى ەلدەرگە قاتىستى ارنايى قورعاۋ, دەمپينگكە قارسى جانە وتەماقى شارالارى تۋرالى» زاڭ جوباسىن ىلەسپەلى تۇزەتۋلەرمەن ەكىنشى وقىلىمدا قاراۋ ۇسىنىلادى.
سونداي-اق, ءماجىلىس جالپى وتىرىستا ەكى راتيفيكاتسيالىق قۇجات بويىنشا, اتاپ ايتساق, قىرعىز رەسپۋبليكاسىمەن شەكارا اۋدانىنداعى سەنىم شارالارى جونىندەگى كەلىسىمدى جانە شەكارا وكىلدەرىنىڭ قىزمەتى تۋرالى قازاقستاندىق-قىرعىزستاندىق ۇكىمەتارالىق كەلىسىمدى راتيفيكاتسيالاۋعا قاتىستى زاڭ جوبالارى بويىنشا قورىتىندى ازىرلەۋ مەرزىمىن تاعايىندايدى.