ەل اۋماعىنا كىرىپ, كوشى-قون زاڭدىلىعىن بۇزعان قىتايلىق ازاماتتار شىعارىلاتىن بولدى. بەلگىلى بولعانىنداي, قىتايلىق 38 ادام قازاقستانعا «ىسكەرلىك» ۆيزاسىمەن «ۆسپ» سەرىكتەستىگىنە كەڭەس بەرۋ قىزمەتىن كورسەتۋ ءۇشىن كەلىپتى. الايدا, اتىراۋ قالاسىنا كەلگەننەن كەيىن شەتەلدىكتەر بەلگىلەنگەن زاڭعا سايكەس ىشكى ىستەر ورگانىنا ۋاقىتشا تىركەلۋگە تۇرماعان. ءسويتىپ, قازاقستان رەسپۋبليكاسىنا كەلۋ زاڭدىلىعىن بۇزعان قىتاي ازاماتتارىنا قاتىستى اكىمشىلىك حاتتاما تولتىرىلىپ, سوتقا جولدانعان بولاتىن. سوت وتىرىسىنىڭ ناتيجەسى بويىنشا «سوتتا قىتاي حالىق رەسپۋبليكاسىنىڭ 38 ازاماتى وزدەرىنىڭ كىنالارىن تولىقتاي مويىندادى. ەندى ولار مامانداندىرىلعان اكىمشىلىك سوتتىڭ قاۋلىسىنا سايكەس 5 تاۋلىكتىڭ ىشىندە قازاقستان رەسپۋبليكاسىنىڭ اۋماعىنان شىعىپ كەتۋلەرى ءتيىس», دەپ حابارلادى وبلىستىق سوتتىڭ ءباسپاسوز حاتشىسى بورانباي عاليەۆ.
جولداسبەك شوپەعۇل,
«ەگەمەن قازاقستان».
اتىراۋ وبلىسى.