كەزدەسۋ بارىسىندا جاساندى ينتەللەكت, تسيفرلىق ترانسفورماتسيا, ۆەنچۋرلىق ينۆەستيتسيا, ستارتاپتار ەكوجۇيەسىنىڭ باسەكەگە قابىلەتتىلىگىن ارتتىرۋ جانە جاھاندىق تەحنولوگيالىق سەرىكتەستەردى تارتۋ سالالارىنداعى ىنتىماقتاستىق ماسەلەلەرى تالقىلاندى, دەپ جازادى Egemen.kz.
قاسىم-جومارت توقاەۆ جاساندى ينتەللەكتىنى دامىتۋ جونىندەگى كەڭەس جۇمىسىنا جانە Digital Bridge 2025 فورۋمى اياسىنداعى ءىس-شارالارعا بەلسەندى قاتىسقانى ءۇشىن لي كاي فۋعا العىس ايتتى.
پرەزيدەنتكە قازاقستاندىق تاراپ پەن 01ai كومپانياسىنىڭ AlemLLM تىلدىك مودەلىن بىرلەسىپ ىسكە قوسقانى, سونداي-اق جاساندى ينتەللەكت ەكوجۇيەسىن دامىتۋ ماقساتىنداعى ىنتىماقتاستىقتىڭ باسقا دا پەرسپەكتيۆتى باعىتتارى جونىندە اقپارات بەرىلدى.