29 قىركۇيەك كۇنى ازەربايجاننىڭ گياندجا قالاسىندا تمد-عا مۇشە مەملەكەتتەردىڭ دەنە شىنىقتىرۋ جانە سپورت سالاسىنداعى ىنتىماقتاستىق جونىندەگى كەڭەسىنىڭ وتىرىسى ءوتتى, دەپ جازادى Egemen.kz.
كەڭەس وتىرىسىندا الماتى 2026 جىلى تمد-نىڭ سپورت استاناسى مارتەبەسىن يەلەندى.
ءىس-شاراعا ازەربايجان رەسپۋبليكاسىنىڭ جاستار جانە سپورت ءمينيسترى فاريد گايبوۆ, بەلارۋس, قىرعىزستان, رەسەي فەدەراتسياسى, تاجىكستان, تۇرىكمەنستان, وزبەكستان سپورت ۆەدومستۆولارىنىڭ باسشىلارى, سونداي-اق تمد اتقارۋشى كوميتەتىنىڭ وكىلدەرى قاتىستى.
«تمد سپورت استانالارى» مەملەكەتارالىق باعدارلاماسى اياسىندا حالىقارالىق فورۋمدار, جارىستار, جاستار جانە ينكليۋزيۆتى باستامالاردى وتكىزۋ جوسپارلانعان.
ايتا كەتەيىك, 28 قىركۇيەك پەن 8 قازان ارالىعىندا ازەربايجاندا تمد-نىڭ III ويىندارى ءوتىپ جاتىر. ۇلتتىق قۇراما 18 سپورت ءتۇرى بويىنشا باق سىناپ جاتىر