جەتىسۋ وبلىسىندا «تازا قازاقستان» ۇلتتىق باعدارلاماسى اياسىندا وتكەن «تازا بەيسەنبى» ەكولوگيالىق اكتسياسىنا 5767 ادام قاتىسىپ, 111 ارنايى تەحنيكا جۇمىلدىرىلدى. بىرىگىپ اتقارىلعان شارا بارىسىندا 203 گەكتار اۋماق قوقىستان تازارتىلىپ, 494 توننا تۇرمىستىق قالدىق پوليگوندارعا جەتكىزىلدى. سونىمەن قاتار, تابيعاتتى جاسىلداندىرۋ ماقساتىندا 300 ءتۇپ اعاش وتىرعىزىلىپ, 2230 مەتر قورشاۋ مەن 3500 مەتر قاقپا ءتۇرلى تۇسكە بويالدى, – دەپ حابارلادى وبلىس اكىمىنىڭ ءباسپاسوز قىزمەتى.
ەكولوگيالىق باستامادان كەربۇلاق اۋدانىنىڭ تۇرعىندارى دا قالىس قالماي, بەلسەندىلىك تانىتتى. جىل باسىنان بەرى اۋداندا 30-عا جۋىق تازالىق شاراسى ۇيىمداستىرىلىپ, وعان 3 مىڭنان استام ادام قاتىستى. سونىڭ ناتيجەسىندە 2 مىڭ توننادان استام قوقىس شىعارىلىپ, ساياباقتار مەن دەمالىس ورىندارىنا جاڭا كوشەتتەر وتىرعىزىلدى.
اكتسياعا قاتىسقان سارىوزەك كەنتىنىڭ تۇرعىنى بوكەن رىسبەكوۆ تابيعاتقا جاناشىرلىق تانىتۋدىڭ ماڭىزدىلىعىنا توقتالدى.
– قورشاعان ورتانى قورعاۋ – ءاربىر ازاماتتىڭ بورىشى. «تازا بولسا تابيعات – امان بولار ادامزات» دەپ حالقىمىز بەكەر ايتپاعان. تابيعاتتى ايالاۋ ارقىلى ءبىز ءوزىمىزدىڭ بولاشاعىمىزدى قورعايمىز. سوندىقتان ءار تۇرعىن سەنبىلىككە قاتىسىپ, تازالىقتى ءوز ۇيىنەن باستاپ, اۋىل-ايماعىنا دەيىن ۇلەس قوسۋى قاجەت, – دەدى ول.
ۇيىمداستىرۋشىلاردىڭ ايتۋىنشا, مۇنداي شارالار جەتىسۋ وڭىرىندە الداعى ۋاقىتتا دا تۇراقتى تۇردە جالعاسىن تاباتىن بولادى.