ەلوردادا باتىر, شەكاراشى رادجان باتركانوۆتى ەسكە الۋعا ارنالعان ءداستۇرلى ۆولەيبول ءتۋرنيرى ءوتتى, دەپ حابارلايدى Egemen.kz.
26-27 قىركۇيەك كۇندەرى №16 مەكتەپتىڭ سپورت زالىندا وتكەن جارىسقا شەكارا قىزمەتىنىڭ بولىمشەلەرى مەن ارداگەرلەرى قاتىستى. تۋرنير وتان شەكاراسىن قورعاۋ جولىندا ەرلىكپەن قازا تاپقان رادجان باتركانوۆتىڭ رۋحىنا ارنالدى.
قاھارمان شەكاراشىنىڭ ەرلىگى مەملەكەت تاراپىنان جوعارى باعالاندى. ول قر پرەزيدەنتىنىڭ جارلىعىمەن «ايبىن» II دارەجەلى وردەنىمەن, سونداي-اق تاجىكستان پرەزيدەنتىنىڭ جارلىعىمەن «سپيتامەن» I دارەجەلى وردەنىمەن ماراپاتتالعان.
جارىس ناتيجەلەرى:استانا شەكارالىق باقىلاۋ باسقارماسى;
قورعاۋ جانە قامتاماسىز ەتۋ باسقارماسى;
ارنايى ماقساتتاعى باسقارما.
ۇيىمداستىرۋشىلاردىڭ ايتۋىنشا, مۇنداي تۋرنيرلەر جاس بۋىندى پاتريوتتىق رۋحتا تاربيەلەۋگە ىقپال ەتەدى.
— رادجان باتركانوۆتىڭ ەرلىگى ۇمىتىلمايدى, ول شەكاراشىلارعا دا, ەل جاستارىنا دا ادالدىق پەن ەرلىككە شابىت بەرەدى, – دەدى جارىسقا قاتىسۋشىلار.