قاراعاندى وبلىسىنىڭ ساران قالاسىندا كوپقاباتتى ۇيدەن شىققان الاپات ورتتەن 4 ادام اجال قۇشا جازدادى, دەپ حابارلايدى Egemen.kz.
قر تجم مالىمەتىنشە, ءورت جامبىل كوشەسىندەگى ءۇش قاباتتى تۇرعىن ءۇيدىڭ ەكىنشى قاباتىنداعى پاتەردەن شىقتى.
جالىن تۇرمىستىق زاتتار مەن جيھازدى, سونداي-اق بالكونداعى پلاستيك تەرەزە بلوگىن شارپىدى. ءورتتىڭ جالپى اۋماعى شامامەن 7 شارشى مەتردى قۇرادى.
«وقيعا ورنىنا جەدەل جەتكەن تجم قۇتقارۋشىلارى باسپالداق مارشى ارقىلى 4 ادامدى, ونىڭ ىشىندە 2 بالانى ەۆاكۋاتسيالاپ, ءۇي ىشىندە قالعان مىسىقتى قۇتقاردى. ءورتتى ءسوندىرۋ بارىسىندا بالكوننان ەكى گاز باللونى شىعارىلىپ, ىقتيمال جارىلىستىڭ الدىن الدى. ءورت تولىعىمەن ءسوندىرىلدى.
جەدەل جاردەم بريگاداسى ءۇشىنشى قاباتتاعى پاتەر يەسىن اۋرۋحاناعا جەتكىزدى. جاعدايى قاناعاتتانارلىق دەپ باعالانۋدا.
پاتەر تۇرعىنى تجم قىزمەتكەرلەرىنە كاسىبيلەگى مەن جەدەل ارەكەتى ءۇشىن العىس ءبىلدىردى», - دەلىنگەن قر تجم حابارلاماسىندا.