قازاقستان مەن رەسەي قاۋىپسىزدىك كەڭەستەرىنىڭ حاتشىلارى نۇرلان ەرمەكباەۆ پەن نيكولاي پاترۋشەۆتىڭ توراعالىعىمەن قاۋىپسىزدىك كەڭەستەرى اپپاراتتارى اراسىندا جوسپارلى كونسۋلتاتسيالار ءوتتى, دەپ حابارلادى قازاقستان پرەزيدەنتىنىڭ ءباسپاسوز قىزمەتى.
كونسۋلتاتسياعا, سونداي-اق, ەكى ەلدىڭ ءتيىستى مەملەكەتتىك ورگاندارىنىڭ باسشىلارى مەن جاۋاپتى قىزمەتكەرلەرى قاتىستى.
تاراپتار ورتالىق ازياداعى جانە اۋعانستانداعى احۋالدى قامتي وتىرىپ, قاۋىپسىزدىك سالاسىنداعى ەكىجاقتى جانە كوپجاقتى ىنتىماقتاستىقتىڭ وزەكتى ماسەلەلەرىن, 2015 جىلعى 1 قاڭتاردان ەاەو قىزمەتىنىڭ باستالۋىنا بايلانىستى ءوزارا ءىس-قيمىلداردى تالقىلادى.
سونداي-اق, ءدىني ەكسترەميزمگە جانە تەرروريزمگە قارسى ءىس-قيمىل, اسكەري-تەحنيكالىق ىنتىماقتاستىق پەن كوشى-قون ۇدەرىستەرىن رەتتەۋ سالالارىنداعى ءتۇرلى ماسەلەلەر جونىندە پىكىر الماسىلدى.
كونسۋلتاتسيالار قورىتىندىسى بويىنشا قول جەتكەن ۋاعدالاستىقتاردى جۇزەگە اسىرۋ ماقساتىندا حاتتاما ازىرلەندى.