كەشە عانا كۋرچاتوۆ قالاسىنىڭ ءدال جانىندا ورنالاسقان الىستاعى اقجار اۋىلىنا بارىپ قايتتىق. اۋدان ورتالىعى كوكتوبەدەن 200 شاقىرىمداي جەردە. بۇرىنعى پوليگون اۋماعى سانالاتىن قۇپياسى جەتەرلىك ايماقتاعى اۋىل. بىزگە ۇناعانى – وسى جەردەگى اقجار اتىنداعى جالپى ءبىلىم بەرەتىن قازاق ورتا مەكتەبىنىڭ تىنىس-تىرشىلىگى بولدى. مەكتەپ ديرەكتورى وليمپيادا اۋباكىروۆا دا, وقۋ ءىسىنىڭ مەڭگەرۋشىسى مەرۋەرت ماقاجانوۆا دا وسى اۋىلدا وسكەن, وقۋ بىتىرگەن سوڭ قايتا ورالىپتى. قازىر مەكتەپتە 80 بالا وقيدى ەكەن. شاعىن ورتالىقتا 37 بالا تاربيەلەنسە, ۇيدە وتىرعان 76 كىشكەنتاي بار ەكەنىن ەستىپ قۋانىپ قالدىق. كەزىندە ەڭ العاش اتامەكەن دەپ جەتكەن اعايىنداردىڭ, تۇرعىلىقتى حالىقتىڭ دا بالالارى, نەمەرەلەرىمەن قوسىلىپ, ۇرپاق جالعاسۋدا. جىل سايىن جاس ماماندار سەمەيدەن, پاۆلوداردان كەلەتىنىن, ولارعا ءۇي, كومەك بەرىلەتىنىن ەستىپ تاعى ءبىر قۋانىپ قالدىق. جاس مۇعالىمدەر نايما دۋمان, ارمانگۇل مۇتان, بۇلبۇل ايۋپوۆا, گاۋھار سىزدىقوۆالار – شاكارىم اتىنداعى ۋنيۆەرسيتەتتى ءبىتىرىپتى. اينا مىڭجاراسوۆا تالدىقورعاننان وقۋ ءبىتىرىپ «ديپلوممەن – اۋىلعا!» باعدارلاما اياسىندا كەلىپتى. وقۋشىلارى باعدات قايىرتاس, ءداريا كەلگەن, ايمان ەلەمەس, اقمارال شالاحان, اينەل دوكەي – «التىن بەلگىگە» ۇمىتكەرلەر ەكەن. مۇعالىم سامات كارىپجانوۆتىڭ وقۋشىسى كەلگەن ءداريا ەلباسىنا ارناعان ولەڭىمەن شىعارماشىلىق بايقاۋدا ءى ورىن يەلەنىپتى. ال, بالجان مۇراتقىزى «بولاشاققا نىق قادام باسقان جاس ۇستاز» سەرتيفيكاتىمەن ماراپاتتالدى.
فاريدا بىقاي,
«ەگەمەن قازاقستان».
پاۆلودار وبلىسى,
ماي اۋدانى.