“نۇر وتان” حدپ ورتالىق اپپاراتىندا پارتيا توراعاسىنىڭ ءبىرىنشى ورىنباسارى نۇرلان نىعماتۋلين ازيالىق ساياسي پارتيالار حالىقارالىق كونفەرەنتسياسىنىڭ (اسپحك) تەڭ توراعاسى, ءىىى استانالىق ەكونوميكالىق فورۋمىنىڭ قاتىسۋشىسى حوسە دە ۆەنەسيامەن كەزدەستى.
كەزدەسۋ بارىسىندا اڭگىمەلەسۋشىلەر اسپحك قىزمەتىنىڭ ءماسەلەلەرىن تالقىلادى. “نۇر وتان” پارتياسى كونفەرەنتسيانىڭ جانە ونىڭ تۇراقتى كوميتەتىنىڭ قۇرامىنداعى بەلسەندى مۇشەلەرىنىڭ ءبىرى بولىپ تابىلادى. ازيالىق ساياسي پارتيالار حالىقارالىق كونفەرەنتسياسى – دامۋ ىرعاعى ونىڭ مۇشەلەرى سانىنىڭ تۇراقتى وسۋىمەن سيپاتتالاتىن ازياداعى ءىرى ۇيىمىنىڭ ءبىرى. قازىرگى تاڭدا ۇيىمنىڭ قۇرامىنا الەمنىڭ 52 ەلىنەن 318 ساياسي پارتيا كىرەدى. وتكەن جىلعى كۇزدە اسپحك باس اسسامبلەياسىنىڭ بەسىنشى وتىرىسىنىڭ توراعاسى بولىپ “نۇر وتان” پارتياسى ءبىراۋىزدان سايلانعان بولاتىن.
“نۇر وتان” پارتياسى توراعاسىنىڭ ءبىرىنشى ورىنباسارى ەل پرەزيدەنتى, پارتيا كوشباسشىسى نۇرسۇلتان نازارباەۆتىڭ سارا ءجانە ستراتەگيالىق ساياساتىنىڭ ارقاسىندا قازاقستان جىل سايىن حالىقارالىق الاڭدا ءوز ۇستانىمىن بارىنشا كۇشەيتۋدە. ەقىۇ ءتوراعاسى رەتىندە قازاقستان قىرعىزستانداعى جاعدايدى تۇراقتاندىرۋعا ناقتى ۇلەس قوستى, دەدى.
ءوز كەزەگىندە حوسە دە ۆەنەسيا قازاقستان پرەزيدەنتىنىڭ باستاۋىمەن تولەرانتتىلىق, ەتنوسارالىق تاتۋلىق پەن كونفەسسياارالىق كەلىسىم يدەياسىن قازاقستاندا عانا ەمەس, ەقىۇ كەڭەستىگىندە تاراتۋدىڭ ماڭىزدى ءرولىن اتاپ ءوتتى. حوسە دە ۆەنەسيانىڭ پىكىرىنشە, قازاقستان شىن مانىندە ۇلكەن جيىرمالىقتىڭ مۇشەسى بولىپ, وندا ورتالىق ازيا ءوڭىرىنىڭ كۇشتى الەۋەتىن ايعاقتاۋى ءتيىس.
“ەگەمەن-اقپارات”.