كولىك تاريحىن ونلاين تەكسەرۋگە بولادى

جاڭا سەرۆيستە قازاقستاندا تىركەلگەن كولىكتەردىڭ تاريحى توپتاستىرىلعان. ول جەردەن اۆتوكولىكتىڭ تىركەلۋى, تىيىم سالۋلار مەن كەپىلدىكتەردىڭ بولۋى, اكىمشىلىك ايىپپۇلدار, كەدەندىك راسىمدەر, ۋتيليزاتسيالىق الىمنىڭ تولەنۋى, ەرەكشە بەلگىلەر مەن بەرىلگەن تەحپاسپورتتار جونىندەگى مالىمەتتەردى بىلۋگە بولادى. 

بۇل مۇمكىندىك كولىكتى ساتىپ الۋ كەزىندە جاسىرىن ماسەلەلەردى الدىن الا انىقتاپ, تاۋەكەلدەردى ازايتۋعا جانە اۆتوكولىكتىڭ زاڭدىق تۇرعىدا قيىندىقتارى بار-جوعىن انىقتاۋعا مۇمكىندىك بەرەدى. سونىمەن قاتار, سەرۆيس مامىلەلەردىڭ اشىقتىعىن ارتتىرىپ, اۆتونارىقتاعى الاياقتىقتىڭ الدىن الۋعا ىقپال ەتەدى.

اقپارات الۋ ءۇشىن ازاماتقا كولىكتىڭ VIN-كودىن ەنگىزۋ جەتكىلىكتى. وسىلايشا, ەسەپ مەملەكەتتىك دەرەكتەر قورىنان الىناتىن مالىمەتتەردىڭ نەگىزىندە ناقتى ۋاقىت رەجيمىندە جاسالادى.

بۇل سەرۆيس «تسون» ءموبيلدى قوسىمشاسىندا (App Store/Google Play) جسن مەن تەلەفون ءنومىرى ارقىلى تىركەلگەننەن كەيىن قولجەتىمدى بولادى. 

ايتا كەتەيىك, قىزمەت - اقىلى. ءبىر تەكسەرۋ قۇنى - 500 تەڭگە بولسا, 10 تەكسەرىس – 4500 تەڭگە, 20 تەكسەرىس – 8000 تەڭگە دەپ بەلگىلەنگەن.