پاۆلوداردا №37 مەكتەپتىڭ جەتىنشى سىنىپ وقۋشىلارى جاساعان تاجىريبە اپاتقا ۇلاستى. قۇتقارۋ قىزمەتىنىڭ دەرەگىنشە, مەكتەپكە ءورت سوندىرۋشىلەر, قۇتقارۋشىلار جانە تجم-ءنىڭ كاتاستروفا مەديتسيناسى ورتالىعىنىڭ بريگاداسى جەتكەن, دەپ جازادى Egemen.kz.
وقۋشىلار ءوز قولدارىمەن حيميالىق قوسپا سالىنعان بوتەلكە ازىرلەگەن. ارتىنشا جارىلعان. جەتى بالا جاراقات الدى. بالالاردىڭ ءبىرى ورتالىق دارىگەرلەرىنەن العاشقى مەديتسينالىق كومەك العان, قالعان التاۋى جەدەل جاردەم قىزمەتكەرلەرى قاراعاننان كەيىن وبلىستىق بالالار اۋرۋحاناسىنا جەتكىزىلدى.
وقيعا ورنىنا ەكى بريگادا بارعان. بالالاردىڭ قولىنىڭ, بەتىنىڭ جانە كوزىنىڭ كۇيگەنى انىقتالعان. ولار «كروت» تۇرمىستىق قۇرالى, گازدالعان سۋسىن «موحيتو» جانە فولگا ارالاستىرعاننان كەيىن جاراقاتتانعان.
قازىر وقۋشىلارعا دارىگەرلەر مەديتسينالىق كومەك كورسەتىپ جاتىر.