باس پروكۋراتۋرانىڭ حابارلاۋىنشا, رمقك «بالداۋرەن رەسپۋبليكالىق وقۋ-ساۋىقتىرۋ ورتالىعىندا» سانيتارلىق-ەپيدەميولوگيالىق ءتارتىپتىڭ بۇزىلعانى انىقتالعان, دەپ جازادى Egemen.kz.
تەكسەرۋ بارىسىندا لاگەر جوبالىق قۋاتىن دا اسىرا پايدالانىلعان. تەحنيكالىق پاسپورتقا سايكەس, ورتالىق 400 ورىنعا لايىقتالعانمەن, ءىس جۇزىندە ءبىر اۋىسىمدا 574 بالا ورنالاستىرىلعان. بۇل رۇقسات ەتىلگەن نورمادان 43%-عا ارتىق ەكەنى بەلگىلى بولدى.
بالالاردى ورنالاستىرۋ ءۇشىن 12 وقۋ كابينەتى پايدالانىلعان. قۇزىرلى ورگان بۇل بولمەلەردىڭ سانيتارلىق توراپتارمەن جابدىقتالماعانىن, گيگيەنالىق تالاپتارعا ساي كەلمەيتىنىن جانە كامەلەتكە تولماعانداردىڭ دەنساۋلىعىنا قاۋىپ توندىرەتىنىن اتاپ وتكەن. نورما بويىنشا ءبىر بولمەدە 6 بالا بولۋى ءتيىس بولسا, ءىس جۇزىندە 9 بالاعا دەيىن ورنالاستىرىلعان.
«ايرىقشا نازار اۋدارتاتىنى – مەملەكەتتىك كۆوتا ەسەبىنەن تەگىن دەمالىپ جاتقان بالالار تار جانە قولايسىز بولمەلەردە ورنالاسسا, ال اقىلى نەگىزدە كەلگەن بالالار بولەك, بارلىق جاعدايى جاسالعان بولمەلەرگە جايعاستىرىلعان. انىقتالعان زاڭ بۇزۋشىلىقتاردى جويۋ, كىنالى تۇلعالاردى جاۋاپكەرشىلىككە تارتۋ جانە بولاشاقتا بالالاردىڭ ءومىرى مەن دەنساۋلىعىنا قاتەر توندىرمەۋ ماقساتىندا پروكۋرورلىق قاداعالاۋ شارالارى قابىلداندى», دەلىنگەن باس پروكۋراتۋرا حابارلاماسىندا.