«كەنتاۋ ترانسفورماتور زاۋىتى» اق – ەلىمىزدەگى اسا قۋاتتى, باسەكەگە قابىلەتتى ءونىم شىعاراتىن ءىرى كاسىپورىنداردىڭ بىرەگەيى. وتكەن جىلى زاۋىت 63 كۆت ەلەكتر قوندىرعىسىن ىسكە قوستى. ونىمدەرىنىڭ 50 پايىزىن ەكسپورتقا شىعاراتىن كاسىپورىن ءوزىنىڭ تەحنولوگيالارىن الەمدىك ستاندارتقا سايكەستەندىرسە, ترانسفورماتورلارى شەتەلدەردە جوعارى باعا يەلەنۋدە.
«كتز» ۇجىمى قازاقستان رەسپۋبليكاسىنىڭ كەزەكتەن تىس پرەزيدەنتتىك سايلاۋىن وتكىزۋ جونىندە جيىن وتكىزدى. «مەملەكەتتىك ساياساتتىڭ ارقاسىندا كوپتەگەن ءوندىرىس ورىندارى قايتادان جاڭعىرتىلىپ, زامان تالابىنا ساي جۇمىسىن باستاپ وتىر, – دەدى زاۋىتتىڭ №5 تسەحىندا وتكەن جيىندا «كەنتاۋ ترانسفورماتور زاۋىتى» اق باسقارۋشى ديرەكتورى قايرۋللا قوجاباەۆ. ء–بىزدىڭ كاسىپورىن دا قايتا جاڭارۋ جولىنان ءوتتى. 2013 جىلى 13 ملرد. 160 ملن. تەڭگەنىڭ ءونىمى وندىرىلسە, 2014 جىلدىڭ سايكەس كەزەڭىندە بۇل كورسەتكىش 16 ميلليارد تەڭگەگە ۇلعايدى. وتكەن جىلى زاۋىت جانىنان ۇدەمەلى يندۋستريالىق-يننوۆاتسيالىق دامۋ باعدارلاماسى اياسىندا «مونوەلوتەح» جشس ىسكە قوسىلىپ, قالا تۇرعىندارى تۇراقتى جۇمىسپەن قامتىلدى. بۇگىندە كاسىپورىن تەك قازاقستانداعى عانا ەمەس, ورتالىق ازياداعى ماشينا جاساۋدىڭ كوشباسشىسى بولىپ وتىر. بۇل باعىتتا اتقارىلىپ جاتقان جۇمىستارعا ءاربىر جۇمىسشىنىڭ قوسقان ۇلەسى مول».
سودان سوڭ كاسىپورىننىڭ ءوندىرىس جونىندەگى ديرەكتورى ءا.شامشيەۆ, كەنتاۋ پوليتەحنيكالىق كوللەدجى ديرەكتورىنىڭ ورىنباسارى ت.انداباەۆ ءسوز الىپ, ۇستىمىزدەگى جىلدىڭ 26 ساۋىرىنە بەلگىلەنگەن كەزەكتەن تىس پرەزيدەنتتىك سايلاۋعا تەك ۇجىم مۇشەلەرىن عانا ەمەس, بارشا قازاقستاندىقتاردى ءبىر كىسىدەي جۇمىلا قاتىسۋعا شاقىردى. ۇجىم جيىنىنىڭ قورىتىندىسى بويىنشا سايلاۋ كۇنى بەلسەندىلىك تانىتىلۋى كەرەكتىگى تۋرالى ۇندەۋ قابىلدانىپ, ول ءبىراۋىزدان ماقۇلداندى.
باقتيار تايجان,
«ەگەمەن قازاقستان».
وڭتۇستىك قازاقستان وبلىسى.