مەملەكەت باسشىسى قاسىم-جومارت توقاەۆتىڭ جارلىعىمەن «قازاقستان رەسپۋبليكاسىنىڭ كونستيتۋتسياسىنا 30 جىل» مەرەيتويلىق مەدالى بەكىتىلدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
اتالعان مەدالمەن قازاقستان رەسپۋبليكاسى كونستيتۋتسياسىنىڭ ۇستەمدىگىن قامتاماسىز ەتۋگە, ەل تاۋەلسىزدىگىن نىعايتۋعا, قوعامدا كەلىسىم مەن تۇراقتىلىقتى ساقتاۋعا, ازاماتتاردىڭ كونستيتۋتسيالىق قۇقىعىن جانە ەركىندىگىن قورعاۋعا, كونستيتۋتسيوناليزم يدەيالارىن, سونداي-اق قاعيداتتارىن قالىپتاستىرۋعا ءارى دامىتۋعا ەرەكشە ۇلەس قوسقان تۇلعالار ناگرادتالادى.سونىمەن قاتار مەرەيتويلىق مەدال جۇمىسشى ماماندارعا, بيۋدجەت سالاسى مەن ءوندىرىس ۇيىمدارىنىڭ وكىلدەرىنە جانە باسقا دا ازاماتتارعا بەرىلەدى.بۇل مەدالعا يە بولۋ ازاماتتاردىڭ ادال ەڭبەگى مەن وتان, مەملەكەت جانە قوعام الدىنداعى ەرەكشە قىزمەتىن تانۋدىڭ ماڭىزىن كورسەتەدى.