ەلىمىزدە جاس ادەبيەتشىلەردى قاناتتاندىرۋعا باعىتتالعان مازمۇندى شارالار ءجيى ۇيىمداستىرىلىپ ءجۇر. سونىڭ ءبىرى مادەنيەت جانە اقپارات مينيسترلىگى مەن قازاقستان جازۋشىلار وداعىنىڭ ستراتەگيالىق ارىپتەستىگى اياسىندا جۇزەگە اسقان «جازۋشىلاردىڭ ادەبي شەبەرلىك مەكتەبى» كۋرسى, دەپ جازادى Egemen.kz.
بيىل ەكىنشى رەت ۇيىمداستىرىلعان باستاما «مادەنيەت جانە ونەر سالاسىنىڭ باسەكەگە قابىلەتتىلىگىن ارتتىرۋ, قازاقستاندىق مادەني مۇرانى ساقتاۋ, زەرتتەۋ جانە ناسيحاتتاۋ, ارحيۆ ءىسىن جۇزەگە اسىرۋدىڭ تيىمدىلىگىن ارتتىرۋ» باعىتى بويىنشا ىسكە اسىرىلىپ وتىر.
بيىل جوباعا ەلىمىزدىڭ ءار وڭىرىنەن 20 جاس قالامگەر قاتىسىپ, شىعارماشىلىق شەبەرلىكتەرىن جەتىلدىرۋدە. باعدارلاما بارىسىندا وتاندىق جانە شەتەلدىك قالامگەرلەر, سونداي-اق ادەبيەتتانۋشى عالىمدار ءدارىس وقىپ, تاجىريبەلەرىن بولىسۋدە.
سونىمەن قاتار ادەبي شەبەرلىك مەكتەبىنە عىلىمي-زەرتتەۋ ينستيتۋتتارىنىڭ وكىلدەرى دە تارتىلىپ, قاتىسۋشىلارعا ادەبيەت پەن عىلىم توعىسىنداعى تىڭ باعىتتار بويىنشا تولىمدى ءبىلىم بەرۋگە ءۇن قوسقان.
الداعى كۇندەرى جاس قالامگەرلەر ءۇشىن پولشا, قىرعىزستان,وزبەكستان ەلدەرىنەن كەلگەن عالىمدار مەن ادەبيەتتانۋشىلار ءدارىس جۇرگىزەتىن بولادى.