«قاراسورا» جەدەل الدىن الۋ ءىس-شاراسى اياسىندا قاراعاندى وبلىسىنىڭ تۇرعىنى ەسىرتكى تاسىمالداۋ كەزىندە قولعا تۇسكەن, دەپ جازادى Egemen.kz.
35 جاستاعى ازامات 5 گرامم گاشيشتى وتكىزبەك بولعان. جەدەل تۇردە ونىڭ تۇرعىلىقتى جەرىنە ءتىنتۋ جۇرگىزىلىپ, پاتەرىنەن ءبىر كەلىدەن استام گاشيش تابىلىپ, تاركىلەنگەن.
سونىمەن قاتار, ايعاق رەتىندە ەلەكتروندى تارازىلار, ارنايى قاپتامالار جانە وزگە دە قۇرال-جابدىقتار الىنعان. اتالعان دەرەك بويىنشا سوتقا دەيىنگى تەرگەۋ باستالىپ, كۇدىكتى قامالعان. تاركىلەنگەن ەسىرتكى مەن ايعاق زاتتار ساراپتاماعا جىبەرىلگەن.