قازاقستان پرەزيدەنتى قاسىم-جومارت توقاەۆ قازاق ينۆەستورلارىنىڭ قىرعىزستان ەكونوميكاسىنا قوسىپ جاتقان ۇلەسىن جوعارى باعالادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
ونىڭ ايتۋىنشا, سوڭعى 20 جىلدا قازاقستان قىرعىزستانعا 1,4 ميلليارد دوللار كولەمىندە ينۆەستيتسيا سالعان, ونىڭ ىشىندە الەۋمەتتىك ماڭىزى زور جوبالار دا بار.
مەملەكەت باسشىسى ەكى ەل اراسىنداعى ەكونوميكالىق ىنتىماقتاستىقتىڭ ودان ءارى داميتىنىن اتاپ ءوتتى.
ء«بىز بىرلەسكەن كاسىپورىنداردىڭ ءتيىمدى جۇمىس ىستەۋى ءۇشىن قولايلى جاعداي جاساي بەرەمىز دەپ كەلىستىك. سونداي-اق قازاق-قىرعىز شەكاراسىنىڭ وتكىزۋ مۇمكىندىگىن ارتتىرۋعا باسا ءمان بەردىك. جۇك تاسىمالى ماسەلەسىنە دە ەرەكشە نازار اۋداردىق. سوڭعى كەزدە وسى باعىتتا بىرقاتار اۋقىمدى ءىس-شارا اتقارىلدى. قازىر شەكاراداعى سەگىز وتكىزۋ بەكەتىن جاڭعىرتۋ جۇمىسى جۇرگىزىلىپ جاتىر. بۇل جۇمىس الداعى ەكى جىلدا تولىق اياقتالادى. ونى ەكى ەل ۇكىمەتى ەرەكشە باقىلاۋدا ۇستايدى. مۇنىڭ ءبارى ءوزارا ساۋدا كولەمىن ارتتىرۋعا سەپتىگىن تيگىزەدى», دەيدى پرەزيدەنت.