ەلىمىزدە مال ازىعىن ازىرلەۋ جۇمىستارى قارقىندى ءجۇرىپ جاتىر

جەرگىلىكتى اتقارۋشى ورگانداردىڭ مالىمەتىنشە, 19,5 ملن توننا ءشوپ (جوسپاردىڭ 79,6%-ى), 1,5 ملن توننا پىشەندەمە (89,2%), 620,8 مىڭ توننا قۇراماجەم (11,1%), 1,28 ملن توننا سابان (27,6%), 367,1 مىڭ توننا سۇرلەم (18,1%) دايىندالعان.

جوسپاردىڭ ورىندالۋ تۇرعىسىنداعى بەلسەندى جۇمىس – قوستاناي (98,0%), اقمولا (96,5%), سولتۇستىك قازاقستان (106,7%), پاۆلودار (91,1%) وبلىستارىندا, جەتىسۋ وبلىسىندا (91,0%), سونداي-اق شىمكەنت قالاسىندا 100% كورسەتكىشتەرىمەن بايقالعان.

اۋىل شارۋاشىلىعى مينيسترلىگىنىڭ دەرەگىنشە دايىندالعان مال ازىعىنىڭ كورسەتىلگەن كولەمدەرى جانۋارلاردى تولىققاندى ازىقتاندىرۋعا, جوسپارلى ءونىم مەن ءتول الۋعا, سونداي-اق مال باسىنىڭ ساقتالۋىن قامتاماسىز ەتۋگە مۇمكىندىك بەرەدى.

جالپى رەسپۋبليكاداعى مال ازىعىمەن قامتاماسىز ەتۋ جاعدايى تۇراقتى.