جامبىل وبلىسىندا جۇمىسشى ماماندىقتار جىلىنا وراي 120 ورىندىق جاتاقحانا پايدالانۋعا بەرىلدى, دەپ حابارلايدى Egemen.kz.
نىساننىڭ قۇرىلىسىن جەكە كاسىپكەر مەيز رىسپاەۆا جەكەمەنشىك الەۋمەتتىك سەرىكتەستىك اياسىندا جۇرگىزىپ, تولىقتاي اياقتادى. جوبا جاستاردىڭ الەۋمەتتىك-تۇرمىستىق جاعدايىن جاقسارتۋ جانە قولجەتىمدى ءبىلىم بەرۋ كەڭىستىگىن كەڭەيتۋ ماقساتىندا جۇزەگە اسىرىلدى.
جاتاقحانادا اباي اتىنداعى جامبىل گۋمانيتارلىق جوعارى كوللەدجدىڭ ستۋدەنتتەرى تۇرادى. عيمارات زاماناۋي ستاندارتتارعا ساي سالىنىپ, بارلىق قاجەتتى ينفراقۇرىلىممەن جابدىقتالعان. جاتىن بولمەلەر, وقۋ جانە دەمالىس زالدارى, اسحانا مەن كىر جۋ بولمەلەرى بار.
اشىلۋ ءراسىمى «Jastar Life Talks» موتيۆاتسيالىق فورۋمىمەن جالعاستى. فورۋمدا ءارتۇرلى سالادا جەتىستىككە جەتكەن جاس ماماندار مەن تانىمال تۇلعالار ستۋدەنتتەرمەن كەزدەسىپ, تابىسقا جەتۋ جولىنداعى تاجىريبەلەرىمەن جانە موتيۆاتسيالىق ويلارىمەن ءبولىستى.