بەسجىلدىقتىڭ بەس كۇنى
ينفراقۇرىلىم «كولىكتىك-لوگيستيكالىق ينفراقۇرىلىمداردى دامىتۋ. ول ماكرووڭىرلەردى حابتار قاعيداتى بويىنشا قالىپتاستىرۋ اياسىندا جۇزەگە اسىرىلاتىن بولادى. ونىڭ ۇستىنە, ينفراقۇرىلىمدىق قاڭقا استانانى جانە ماكرووڭىرلەردى ماگيسترالدى اۆتوموبيل, تەمىرجول جانە اۋە جولدارىمەن شۇعىلا قاعيداتى بويىنشا ءوزارا بايلانىستىرادى. بارىنەن بۇرىن, نەگىزگى اۆتوجولدار جوباسىن جۇزەگە اسىرۋ قاجەت. بۇلار باتىس قىتاي – باتىس ەۋروپا; استانا – الماتى; استانا – وسكەمەن; استانا – اقتوبە – اتىراۋ; الماتى – وسكەمەن; قاراعاندى – جەزقازعان – قىزىلوردا; اتىراۋ – استراحان جولدارى.نۇرسۇلتان نازارباەۆ,
«نۇرلى جول – بولاشاققا باستار جول» جولداۋىنان.
دەرەك پەن دايەك: «نۇرلى جول» باعدارلاماسىنىڭ اياسىندا 2015-2019 جىلدارى اۆتوكولىك جولدارىن سالۋ مەن قايتا جاڭعىرتۋ ءۇشىن 2,4 تريلليون تەڭگە بولىنەدى. 2020 جىلعا دەيىن 7000 شاقىرىمنان استام اۆتوكولىك جولدارى قايتا جاڭعىرتىلادى. قازىرگى كۇندەرى اۆتوكولىك جولدارىنىڭ قۇرىلىسىندا ەلىمىز بويىنشا 10 مىڭنان استام ادام ەڭبەك ەتىپ ءجۇر. بۇگىنگى كۇندەرى بورجاقتى – ەرساي تەمىرجول جەلىسىندە 3,9 شاقىرىم جولعا رەلس-شپال توسەلىنىپ ۇلگەردى. جول بولىگىنىڭ جالپى ۇزاقتىعى 13,9 شاقىرىمدى قۇرايدى. بۇل جول 2014 جىلدىڭ ءبىرىنشى قازانى كۇنى مەملەكەت باسشىسى نۇرسۇلتان نازارباەۆتىڭ قاتىسۋىمەن باستالعان بولاتىن. ەرەيمەنتاۋ قالاسىنىڭ ماڭىنداعى سالىنىپ جاتقان ەلەكتر قۋاتىن وندىرەتىن ستانسا جىلىنا جەلدەن 172,2 ميلليون كۆت/س ەلەكتر قۋاتىن وندىرەتىن بولادى. ستانسانىڭ جالپى قۋاتى 45 مۆت-عا تەڭ. وندا وندىرىلەتىن ەلەكتر قۋاتى جىلۋ ەلەكتر ستانساسى جانە سۋ ەلەكتر ستانساسى وندىرگەن قۋاتتارمەن بىرگە ورتاق جەلىگە بەرىلەدى.ەنەرگەتيكا جۇيەسىندەگى جاسامپاز جوبالار
ەلىمىزدىڭ ەنەرگەتيكا سالاسىندا قازىرگى كۇنى كوپتەگەن جوبالار جۇزەگە اسىرىلۋدا. سولاردىڭ قاتارىندا «بۋرنوە» كۇن ەلەكتر ستانساسىنىڭ قۇرىلىسى, ك5 ەكوسكلاستى موتور مايىنىڭ ءوندىرىسى, اتىراۋ ءموز-ءدى قايتا جاڭعىرتۋ جانە قايتا جابدىقتاۋ (مۇناي ونىمدەرىن تەرەڭدەتىپ وڭدەيتىن كەشەن سالۋ) جابدىقتاۋ جوباسى, ەرەيمەنتاۋ قالاسىنىڭ ماڭىنداعى جەلدەن ەلەكتر قۋاتىن وندىرەتىن ستانسا قۇرىلىسى, شىمكەنت ءموز-ءىن قايتا جاڭعىرتۋ جانە قايتا جابدىقتاۋ, بالقاش جەس-ءىن سالۋ, ەكىباستۇز گرەس-1-ءدى قايتا جاڭعىرتۋ جانە قۋاتىن كەڭەيتۋ, ەكىباستۇز – ءشۇلبى گەس (سەمەي)-وسكەمەن ەلەكتر جەلىسىن سالۋ, بەينەۋ – بوزوي – شىمكەنت گاز قۇبىرىن جۇرگىزۋ, اتىراۋ وبلىسىنداعى گاز-حيميا كەشەنىن سالۋ, اروماتتى كومىر سۋتەگى وندىرەتىن كەشەن قۇرىلىسىن جۇرگىزۋ, «CaspiBitum» بك» جشس بيتۋم زاۋىتى, قازاقستاننىڭ ۇلتتىق ەلەكتر جەلىلەرىن قايتا جاڭعىرتۋدىڭ ەكىنشى كەزەڭى, كومىر-حيميالىق ونىمدەر وندىرەتىن زاۋىت سالۋ سەكىلدى كوپتەگەن جوبالار بار. سولاردىڭ كەيبىرىنە ازداپ توقتالا كەتەيىك: «بۋرنوە» كۇن ەلەكتر ستانساسىنىڭ قۇرىلىسى: ستانسانىڭ جالپى قۋاتى 50 مۆت-عا تەڭ. ەلىمىزدەگى العاشقى كۇننەن قۋات وندىرەتىن بۇل ءىرى كولەمدى جوبا تىكەلەي شەتەلدىك ينۆەستيتسيالاردىڭ تارتىلۋىمەن جۇزەگە اسىرىلۋدا. جوبانى قارجىلاندىرۋعا ەۋروپا قايتا قۇرۋ جانە دامۋ بانكى, تازا تەحنولوگيالار قورى سەكىلدى حالىقارالىق قارجى ينستيتۋتتارىنىڭ قارجىسى قوسىمشا قارجى كەپىلدىگىنسىز جانە ۇزاق مەرزىمگە بەرىلىپ وتىر. جوبانىڭ باستاماشىسى – «سامۇرىق-قازىنا ينۆەست» جشس. جوبا 2015 جىلدىڭ 24 ساۋىرىندە ىسكە قوسىلادى دەپ جوسپارلانعان. ورنالاسقان ورنى جامبىل وبلىسى جۋالى اۋدانىنداعى باۋىرجان مومىش ۇلى اۋىلى. جوبا قوسىلعاندا وڭتۇستىكتەگى ەلەكتر قۋاتىنىڭ جەتىمسىزدىگىن ەڭسەرۋگە كومەكتەسەتىن بولادى. قازىرگى كۇنى مۇندا 291 جۇمىس ورنى اشىلعان. ىسكە قوسىلعان كەزدە 20 ادام جۇمىس ىستەيتىن بولادى. ك5 ەكوسكلاستى موتور مايىنىڭ ءوندىرىسى: جوبانىڭ ماقساتى شيكىزاتتى تەرەڭدەپ وڭدەۋ ءىسىن دامىتۋ جانە نەعۇرلىم ەكولوگيالىق جوعارى كلاستى موتور مايلارىن ءوندىرۋدى باستاۋ, سونداي-اق ەلىمىزدىڭ باتىس ءوڭىرىن ساپالى وتىن ءتۇرىمەن قامتاماسىز ەتۋ بولىپ تابىلادى. قازىرگى جۇمىس ىستەپ تۇرعان زاۋىتتىڭ وندىرىستىك قۋاتى جىلىنا 600 مىڭ توننا شيكىزات وڭدەۋگە جەتەدى. مۇندا جىلىنا 200 مىڭ توننا اي 92-95 ماركالى بەنزين ءوندىرۋ, 302 مىڭ توننا گازويل ءوندىرۋ, 75 مىڭ توننا ۆاكۋمدىق قالدىق (گۋدرون) ءوندىرۋ جوسپارلانعان. جوبانىڭ قۇرىلىسىن جۇرگىزۋ بارىسىندا 880 ادام جۇمىسقا تارتىلىپ وتىر. جوبا «كوندەنسات» اق-تىڭ ءوز قارجىسى جانە نەسيەگە تارتقان قارجىلارى ارقىلى جۇزەگە اسىرىلۋدا. 2015 جىلى ىسكە قوسىلاتىن بولادى. اتىراۋ ءموز-ءدى قايتا جاڭعىرتۋ جانە قايتا جابدىقتاۋ (مۇناي ءونىمدەرىن تەرەڭدەتىپ وڭدەيتىن كەشەن سالۋ) جابدىقتاۋ جوباسى: جوبانىڭ باستاماشىسى – «قازمۇنايگاز» ۇق» اق. بۇل جوبانىڭ ماقساتى مۇنايدى تەرەڭدەتىپ ءوندىرۋدى جۇزەگە اسىرۋ جانە ەلىمىزدى حالىقارالىق تالاپتارعا سايكەس كەلەتىن ساپالى موتور مايلارىمەن, وتىن تۇرلەرىمەن قامتاماسىز ەتۋ بولىپ تابىلادى. جوبا جۇزەگە اسقان كەزدە مۇندا جىلىنا 5,5 ميلليون توننا ءونىم وندىرىلەتىن بولادى. جوبانى «قازمۇنايگاز» اق ءوز قارجىسى جانە وسى ماقساتقا قارىزعا الىنعان قارجىلار ەسەبىنەن جۇزەگە اسىرۋدا. جوبا 2016 جىلى ىسكە قوسىلادى. قازىرگى كۇنى ونىڭ قۇرىلىسىندا 3879 ادام جۇمىس ىستەۋدە.