وتكەن ءتۇنى شىمكەنت قالاسى اباي اۋدانى اكىمدىگىنىڭ عيماراتىنان ءورت شىققان. قالالىق تجد حابارلاۋىنشا ءورت تۋرالى اقپارات «112» ارناسىنا ساعات 03: 16 شاماسىندا تۇسكەن, دەپ جازادى Egemen.kz.
شىمكەنت قالاسى, ءال-فارابي اۋدانى, تاۋكە حان داڭعىلى №3 مەكەنجايىندا ورنالاسقان اكىمدىك عيماراتىنداعى قىزىل جالىندى سوندىرۋگە تجد-نىڭ 21 تەحنيكاسى مەن 88 قىزمەتكەرى, اپاتتار مەديتسيناسى ورتالىعىنان 1 تەحنيكا جانە 3 مامان, جەرگىلىكتى اتقارۋشى ورگانداردان 2 تەحنيكا جانە 2 قىزمەتكەر جۇمىلدىرىلعان.
ءورت 1200 شارشى مەتر اۋماقتى شارپىعان.
ء«ورت ساعات 04:58-دە وقشاۋلانىپ, 05:27-دە تولىق ءسوندىرىلدى. قازا بولعاندار مەن زارداپ شەككەندەر جوق. ءورتتىڭ شىعۋ سەبەبى انىقتالىپ جاتىر», دەدى شىمكەنت قالاسى تجد باستىعىنىڭ ورىنباسارى ازاماتتىق قورعاۋ پولكوۆنيگى بەكزات قامباروۆ.