وسكەمەندە وبلىستىق انا مەن بالا ورتالىعىندا سالماعى 6 كەلى 45 گرامم بولاتىن قىز بالا دۇنيەگە كەلدى. بۇل تۋرالى شىعىس قازاقستان وبلىسى دەنساۋلىق ساقتاۋ باسقارماسىنىڭ ءباسپاسوز قىزمەتى ءمالىم ەتتى, دەپ حابارلايدى Egemen.kz.
مامانداردىڭ ايتۋىنشا, مۇنداي سالماقتاعى سابيلەردىڭ دۇنيەگە كەلۋى وتە سيرەك كەزدەسەدى.
- جاڭا تۋعان نارەستەنىڭ سالماعى – 6045 گرامم. بۇل ءبىزدىڭ تاجىريبەمىزدە سيرەك بولاتىن وقيعا. مۇنداي ءسات تەك اتا-انالار ءۇشىن عانا ەمەس, بوسانۋدى قابىلداعان دارىگەرلەر ءۇشىن دە ەرەكشە ەستە قالادى, – دەپ اتاپ ءوتتى انا مەن بالا ورتالىعىنىڭ ماماندارى.
بوسانۋ ءساتتى ءوتىپ, انا مەن ءسابي دارىگەرلەردىڭ قاتاڭ باقىلاۋىندا. قازىرگى تاڭدا ەكەۋىنىڭ دە جاعدايى جاقسى.
- وتە باقىتتىمىن. دەنساۋلىعىم جاقسى. بىزگە ەرەكشە قامقورلىق كورسەتكەن ورتالىق ۇجىمىنا العىسىم شەكسىز, – دەدى قۋانىشىمەن بولىسكەن جاس انا.
قىزدىڭ ەسىمى ازىرگە تاڭدالعان جوق.