شارۋالاردىڭ ەڭبەگى ەش كەتكەنى مە؟

شىنى كەرەك, تالاس اۋدا­نى, بوستاندىق اۋىلىنىڭ باقشا ءونىمى ءوڭىر ءۇشىن كادىم­گىدەي برەندكە اينال­عا­­نى بەلگىلى. ءدامى ءتىل ۇيىرەتىن بوستاندىقتىڭ قاربىزىنا قىزىقپايتىندار كەمدە-كەم ەدى. الايدا وسى جىل­دىڭ كوكتەمىندە ەككەن شىرىندى جەمىس شارۋالاردى شىعىنعا ۇشىراتاتىن ءتۇرى بار. ويتكەنى جۇدىرىق­تاي جۇمىلىپ ءىس قىلعان ديقان­داردىڭ ءونىمى شىلدە ورتاسىندا ءوتۋى قيىنداي تۇسكەن.

«كوكتەم مەزگىلىندە ىسكە بار ىنتا-شىنتاڭمەن كىرىسەسىڭ. الايدا ەككەن قاربىزىڭ وت­پەي جاتسا, ەڭبەگىڭ ەش كەتپەي قايتەدى؟ بوستان­دىق پەن تا­لاپتى اۋىلىندا 1-2 گەكتاردان قاربىز ەگەتىن وتبا­سى بارشىلىق. جاۋاپتى ماماندار بىزگە نازار اۋدارسا ءجون بولار ەدى», دەيدى بوستان­دىق اۋىلى­نىڭ تۇرعىنى قامباربەك تۇرسىنبەكوۆ.

ماڭداي تەرىن سىعىمداعان شارۋالار 2 مىڭ تونناعا جۋىق ءونىم العانىمەن, ونىڭ از عانا بولىگىن ساتىپ ۇلگەرگەن. ق.تۇرسىنبەكوۆتىڭ ايتۋىنشا, بۇعان دەيىن ءونىمدى وزگە ەلدەرگە دە ساۋدالاپتى. ال قازىر شەتەلگە شىعاراتىن مۇمكىن­دىك جوقتىڭ قاسى. ديقاندار­دىڭ جانايقايىن ەستىگەن جاۋاپتى باسقارماداعىلار ولاردىڭ ساۋدا جەلىلەرىمەن كەلىسىم جاساسىپ, تاۋاردى قاي كەزدە دە ساتا الاتىنىن العا تارتىپ وتىر.

«كاسىپكەرلەر ءونىمىن تىكەلەي جەتكىزسە, ساۋدا جەلىلەرىمەن شارت جاساسىپ, باعاسىن بەلگىلەپ ساتا الادى. ولار وسى باعىتتا جۇمىس ىستەۋگە دايىن. بازاردان ەشكىمنىڭ قۋىپ شىقپاسى انىق. ءوز كولىكتەرىمەن كەلىپ, وزدەرى قويعان باعامەن ساۋدا جاساۋعا بولادى», دەيدى وبلىس اكىمدىگى كاسىپكەرلىك جانە يندۋستريالدى-يننوۆاتسيالىق دامىتۋ باسقارماسىنىڭ ءبولىم باسشىسى باقىتجان ورىنتاەۆ.

ءبىر انىعى, شارۋالار وسى جىلعى ءونىمدى وتكىزۋدى وزدەرى قولعا العانى ابزال بولىپ تۇر. الايدا القاپتا جايقال­عان قاربىزدىڭ ەداۋىر بولىگى جەۋ­گە جارامسىز بولىپ قال­عانى بەلگىلى. ايتسە دە, جا­ۋاپتى باسقارماداعىلار كەلەر جىلى شارۋالاردى كەلىسىم­شارت­قا وتىرۋعا ۇگىتتەپ وتىر. ولار الدىن الا ءوتىنىش بەرسە, الەۋمەتتىك بازارلاردان تەگىن ورىن قاراستىرىلماق.

جامبىل وبلىسى,

تالاس اۋدانى