ماڭىزدى پىكىر الماسۋ

ادام قۇقىقتارى جونىندەگى ۋاكىل اسقار شاكىروۆ كەشە اس­تا­نادا قازاقستانعا ەقىۇ-نىڭ تو­لەرانتتىق جانە كەمسىتپەۋشىلىك ءجو­نىندەگى جوعارى دەڭگەيدەگى كون­فەرەنتسياسىنا قاتىسۋ ءۇشىن كەلگەن نورۆەگيانىڭ بەيبىتشىلىك جانە ادام قۇقىقتارى ورتالىعىنىڭ الف-وگە حانسەن باسقارعان دەلە­گاتسياسىمەن كەزدەسۋ وتكىزدى. وسى ۇيىم قىزمەتى بەيبىت­شى­لىكتى, ادام قۇقىقتارىن جانە بۇكىل الەمدە دىنيارالىق تولەرانتتىقتى العا جىل­جىتۋمەن بايلانىستى كوم­مەر­تسيالىق قۇرىلىم بولىپ تابىلادى. تاراپتار كەزدەسۋ كەزىندە ورتا­لىق نورۆەگيا حەلسينكي كومي­تەتىمەن بىرلەسىپ ازىرلەگەن ادام قۇ­قىقتارى احۋالى تۋرالى باياندا­ما­نى ىسكە اسىرۋ ماسەلەلەرىن تالقى­لادى, ونىڭ رەسمي تۇساۋكەسەرى تو­لەرانتتىق جانە كەمسىتپەۋشىلىك ءجو­نىندەگى جوعارى دەڭگەيدەگى كون­فەرەنتسيا اياسىندا ءوتتى. ومبۋدسمەن مەملەكەتتىڭ ادام قۇقىقتارىن, اتاپ ايتقاندا, ءدىني نانىم بوستاندىعى سالاسىنداعى قۇقىقتارىن قامتاماسىز ەتۋ ءجو­نىن­دەگى قىزمەتىنىڭ نەگىزگى باعىت­تا­رىمەن جانە قابىلداپ وتىرعان شارالارىمەن تانىستىردى. دەلەگاتسيا جوعارىدا اتالعان اق­پاراتتى وڭ قابىلدادى. ومبۋدسمەن مەكەمەسى مەن نورۆەگيا بەيبىتشىلىك جانە ادام قۇقىقتارى ورتالى­عى­نىڭ ۇنقاتىسۋىن ودان ءارى جال­عاس­تىرۋى جانە ىنتىماقتاستىعىنىڭ ماڭىزدىلىعى تۋرالى ورتاق پىكىر ءبىلدىردى.