اقوردادا كولىك سالاسى قىزمەتكەرلەرىنىڭ كاسىبي مەرەكەسىنە وراي, وسى سالاعا ەڭبەگى سىڭگەن ازاماتتارعا قۇرمەت كورسەتىلدى. مەملەكەت باسشىسى كولىك سالاسىنىڭ دامۋىنا ۇلەس قوسقان مەملەكەتتىك قىزمەتكەرلەرمەن قاتار, ەل كاسىپكەرلەرىن دە ماراپاتتادى, دەپ جازادى Egemen.kz.
قاسىم-جومارت توقاەۆ اۆتوكولىك جولدارىنىڭ ساپاسىن جاقسارتۋعا قاتىستى اۋقىمدى جۇمىس جۇرگىزىلىپ جاتقانىنا نازار اۋداردى دەپ حابارلايدى اقوردا.
قازاقستاندا كولىك سالاسىندا 770 مىڭنان استام ادام جۇمىس ىستەيدى. قاسىم-جومارت توقاەۆ بىلتىر 7 مىڭ شاقىرىم اۆتوكولىك جولى پايدالانۋعا بەرىلگەنىن ايتتى.
تالدىقورعان – وسكەمەن, قاراعاندى – الماتى, اقتوبە – اتىراۋ – استراحان باعىتىنداعى كۇرە جولدار جاڭعىرتىلدى. جەرگىلىكتى اۆتوكولىك جولدارى دا جوندەلىپ جاتىر. مۇنداي اۋقىمدى جۇمىس ەل تاريحىندا ءبىرىنشى رەت ىسكە اساتىن بولدى. سونىڭىشىندەگى ەڭ ءىرى جوبا رەتىندە توقاەۆ بۇقتىرما سۋ قويماسىنداعى كوپىردىڭ اشىلۋىنا جەكە توقتالدى. بۇل حالىقتىڭ كوپتەن كۇتكەن قۋانىشى دەسەك ارتىق ەمەس. «بۇل – قازاقستانداعى ەڭ ۇزىن كوپىر. وسى وتكەل ەكى وبلىستى جانە جەتى اۋداندى بايلانىستىرادى, سونداي-اق قىتاي مەن رەسەيدى جالعايدى. شاقپاق بابا اسۋىندا ەلىمىزدەگى ەڭ العاشقى تۋننەل ىسكە قوسىلدى»— دەدى پرەزيدەنت. بۇل نىسان تەحنيكالىق سيپاتتاماسى جاعىنان عانا ەمەس, ايماق پەن ەل ءۇشىن ماڭىزدىلىعى بويىنشا دا بىرەگەي جوبا رەتىندە تانىلدى.جول دا , سۋ سياقتى تىرشىلىك كوزى. ساپالى جول ازاماتتاردىڭ ءال-اۋقاتىن ارتتىرۋعا ىقپال ەتەتىنى ءسوزسىز. توقاەۆ ەلىمىزدەگى ەڭ اۋقىمدى ءارى ستراتەگيالىق ماڭىزدى ينفراقۇرىلىمدىق جوبالاردىڭ ءبىرى – بۇقتىرما سۋ قويماسى ارقىلى وتەتىن كوپىردى سالعان كومپانيا باسشىسىن ماراپاتتادى. «وبلشىعىسجول» جشس ديرەكتورى جانبولات قازانوۆ كولىك سالاسىن دامىتۋعا, جول-كولىك ينفراقۇرىلىمىن قالىپتاستىرۋ مەن جاڭعىرتۋعا قوسقان ەلەۋلى ۇلەسى ءۇشىن II دارەجەلى «بارىس» وردەنىمەن ماراپاتتالدى.
وزدەرىڭىزە ءمالىم, سۋ ۇستىنەن سالىنعان ەلىمىزدەگى ەڭ ۇزىن كوپىردىڭ قۇرىلىسى بىلتىر اياقتالىپ, قولدانىسقا بەرىلگەن ەدى. بۇقتىرما كوپىرىنىڭ ۇزىندىعى 1300 مەتردەن اسىپ جىعىلادى. كوپىر ارقىلى تاۋلىگىنە 80 مىڭ كولىك وتەدى. بۇل ارينە ءوڭىر حالقىنىڭ تۇرمىس-تىرشىلىگىنە قىزمەت ەتەتىن كوپىرگە اينالىپ وتىر.سونداي-اق, ايماقتاعى ءتۋريزمنىڭ دامۋىنا دە ۇلەس قوسۋدا. كوپىر شالعايداعى كۇرشىم, مارقاكول, تارباعاتاي جانە زايسان اۋداندارىن سامار اۋدانىمەن جانە وبلىس ورتالىعىمەن بايلانىستىرىپ, كولىكتىك-لوگيستيكالىق ينفراقۇرىلىمدى جاقسارتۋعا مۇمكىندىك بەرىپ وتىر.
قاسىم-جومارت توقاەۆ كولىك سالاسىنا ەڭبەگى سىڭگەن ازاماتتارعا ريزاشىلىعىن ءبىلدىرىپ, ءوز مىندەتتەرىن ءمىنسىز اتقارىپ, مەملەكەتتىك ماڭىزى بار ىسكە بەلسەندى تۇردە اتسالىسىپ كەلە جاتقانىن اتاپ ءوتتى. «ەڭبەكقورلىق پەن كاسىبيلىك – وركەنيەتتى قوعامعا ءتان قاسيەتتەر. ەڭبەك ادامى ەڭ جوعارى ماراپاتقا لايىقتى» – دەدى مەملەكەت باسشىسى.