مەملەكەت باسشىسىنىڭ قولجەتىمدى باسپانامەن قامتۋ جونىندە بەرگەن تاپسىرمالارىن جۇزەگە اسىرۋ اياسىندا بيىل تۇرعىن ءۇي قۇرىلىسى سالاسىندا رەكوردتى كورسەتكىش – 19,2 ملن شارشى مەتر تۇرعىن ءۇيدى پايدالانۋعا بەرۋ جوسپارلانىپ وتىر. العاشقى التى ايدىڭ قورىتىندىسى بويىنشا 7,9 ملن شارشى مەتر پايدالانۋعا بەرىلگەنىن ۇكىمەتتە وتكەن ءباسپاسوز كونفەرەنتسياسى بارىسىندا ءبىرىنشى ۆيتسە-پرەمەر رومان سكليار حابارلادى, دەپ جازادى Egemen.kz.
ۇكىمەتتىڭ ءباسپاسوز قىزمەتىنىڭ مالىمدەۋىنشە ودان بولەك ەنەرگەتيكا سالاسىندا بيىلعى ءبىرىنشى جارتىجىلدىقتا 62,2 ملرد كۆت/ساعات ەلەكتر ەنەرگياسى ءوندىرىلدى, بۇل وتكەن جىلدىڭ دەڭگەيىنەن 3,3%-عا جوعارى. 2028 جىلعا قاراي جالپى قۋاتتىلىعى شامامەن 6700 مۆت بولاتىن جاڭا گەنەراتسيا ىسكە قوسىلادى, ونىڭ ىشىندە بيىل ءداستۇرلى جانە بالامالى قۋات كوزدەرى بويىنشا 620 مۆت ەنگىزىلەدى.
ال ينۆەستيتسيالىق شتاب جۇمىسى شەڭبەرىندە جىل باسىنان بەرى جالپى قۇنى شامامەن 60 ملرد دوللاردى قۇرايتىن 71 ينۆەستيتسيالىق جوبا قارالعان. ينۆەستيتسيالىق جوبالاردى سۇيەمەلدەۋ ۇلتتىق تسيفرلىق ينۆەستيتسيالىق پلاتفورما ارقىلى جۇزەگە اسىرىلىپ جاتىر. اتالعان پلاتفورمادا جالپى سوماسى 77 ترلن تەڭگەدەن اساتىن 1 106 جوبا تىركەلگەن.
«جالپى العاندا, مەملەكەت باسشىسىنىڭ بارلىق تاپسىرمالارى قاتاڭ باقىلاۋدا تۇر», دەدى ۆيتسە-پرەمەر.