الماتىدا قالا اكىمدىگىنىڭ قولداۋىمەن قازاق مەملەكەتتىك تسيركىنىڭ 55 جىلدىعىنا وراي وتكەن III حالىقارالىق Almaty Circus Festival تسيرك ونەرى فەستيۆالىنە الەمنىڭ 10-نان استام ەلىنەن ارتيستەر قاتىستى. بيىل فەستيۆالگە قاتىسۋ ءۇشىن رەسەي, قىتاي, ۋكراينا, ۆەتنام, يزرايل, ياكۋتيا سياقتى 20 مەملەكەتتەن 100-دەن استام ءوتىنىم كەلىپ تۇسكەن, دەپ جازادى Egemen.kz.
فەستيۆالدىڭ اشىلۋ سالتاناتىندا قالا اكىمى دارحان ساتىبالدى الماتى ونەر مەن مادەنيەت ءۇشىن اشىق الاڭ ەكەنىن جانە حالىقارالىق مادەني بايلانىستىڭ ماڭىزىن اتاپ ءوتتى.
قازاق مەملەكەتتىك تسيركىندە «Hassak» توبىنىڭ ونەرى ەرەكشە قويىلىمداردىڭ قاتارىندا اتالدى. ارتيستەر بۇرىن-سوڭدى قايتالانباعان تريۋكتەردى ورىندادى. بۇل رەكوردتىق ءنومىردى حالىقارالىق قازىلار جوعارى باعالادى. وسىلايشا «Hassak» فەستيۆالدىڭ باس جۇلدەسىن جەڭىپ الدى.
فەستيۆال قاتىسۋشىلار ءۇشىن ماڭىزدى مادەني وقيعاعا اينالىپ, الەمدەگى ەڭ ءىرى 10 تسيرك فورۋمىنىڭ قاتارىنا كىردى.
بايقاۋ باعدارلاماسىندا اۋە گيمناستارى, ەكۆيليبريستتەر, اكروباتتار مەن ەرەكشە جانر يەلەرى ونەرلەرىن پاش ەتىپ, كورەرمەندەردىڭ ىستىق ىقىلاسىنا بولەندى.
الماتى