30 ماۋسىمدا قازاقستان رەسپۋبليكاسىنىڭ ۇندىستانداعى ەلشىسى دۋلات قۋانىشەۆ وسى ەل پرەزيدەنتىنىڭ سارايىندا پرەزيدەنت پراتيبحە پاتيل حانىمعا سەنىم گراموتاسىن تاپسىردى, دەپ حابارلادى قر ءسىم-ءىنىڭ ءباسپاسوز قىزمەتى.
رەسمي سالتانات بارىسىندا ينديا پرەزيدەنتى پ.پاتيل 2009 جىلى ينديا رەسپۋبليكاسىنىڭ كۇنىنە باستى قۇرمەتتى قوناق بولىپ كەلگەن پرەزيدەنت ن.نازارباەۆتىڭ مەملەكەتتىك ساپارىندا نەگىزى قالانعان ەكى ەلدىڭ ستراتەگيالىق ىنتىماقتاستىعىنىڭ دامۋى مەن نىعايۋىنا مۇددەلى ەكەندىگىن اتاپ ءوتتى. سونىمەن قاتار, پ.پاتيل شىۇ جانە اوسشك سەكىلدى حالىقارالىق ۇيىمدار شەڭبەرىندەگى ارىپتەستىكتىڭ ارتا تۇسكەنىنە دە ريزاشىلىعىن ءبىلدىردى.
ءوز كەزەگىندە د.قۋانىشەۆ ينديا پرەزيدەنتىن قازاقستاننىڭ ساياسي, ەكونوميكالىق جانە الەۋمەتتىك سالالارىنداعى, سونىمەن قاتار, قازاقستان رەسپۋبليكاسىنىڭ ەقىۇ-داعى توراعاسى رەتىندە جاساپ جاتقان شارالارىنان حاباردار ەتتى.
ەكونوميكالىق ىنتىماقتاستىق تاقىرىبىن قوزعاي وتىرىپ, ينديا پرەزيدەنتى قازاقستان ديپميسسياسى باسشىسىنىڭ ءوزارا ينۆەستيتسيالاردى تارتۋدىڭ قارقىنىن بەلسەندى ەتە ءتۇسۋ قاجەت دەگەن پىكىرىمەن كەلىستى.
سونداي-اق, اڭگىمە بارىسىندا پ.پاتيل استانا كۇنىنىڭ تويلانۋىنا بايلانىستى قىزىعۋشىلىق تانىتتى.