عارىشتاعى تەمىر تور تەك فيلمدەردە عانا ەمەس. جەر بەتىندە دە بار. ماسەلەن, نيۋ-يورك قالاسىنىڭ شەتىندە, وزەن ۇستىندە ورنالاسقان The Boat – الەمدەگى ەڭ ۇلكەن قالقىما تۇرمە, دەپ جازادى Egemen.kz.
نيۋ-يوركتە جەردىڭ باعاسى تىم قىمبات. سول سەبەپتى بيلىك جاڭا تۇرمەنى قالا اۋماعىنا سالۋدىڭ ورنىنا, سۋ ۇستىنە ورنالاستىرۋدى شەشكەن. 1992 جىلى لۋيزيانانىڭ نيۋ-ورلەان قالاسىنداعى كەمە جاساۋ زاۋىتىندا The Boat («كەمە») دەپ اتالاتىن بارجا قۇراستىرىلدى. بۇل – قالاداعى ءۇشىنشى قالقىما تۇرمە.
ول بىردەن 800 ادامعا ارنالعان. مۇندا اۋىر قىلمىسكەرلەر ەمەس, ۇساق بۇزاقىلار, ۇرىلار, قوعامدىق ءتارتىپتى بۇزعاندار وتىرادى. قۇرىلىمى جاعىنان كادىمگى كەمەگە ۇقساسا دا, ىشىندە تولىققاندى تۇرمە ءتارتىبى ورناعان. بۇل نىسان گيننەستىڭ رەكوردتار كىتابىنا الەمدەگى ەڭ ءىرى قالقىما تۇرمە رەتىندە ەنگەن.
تۇرمە وزەن جاعاسىندا ورنالاسقانىمەن, ودان قاشىپ شىعۋ مۇمكىن ەمەس. بولاتتان جاسالعان كورپۋسى مەن شەكتەۋلى كەڭىستىگى كەز كەلگەن ءتارتىپ بۇزۋشىلىقتىڭ الدىن الادى. قاۋىپسىزدىك جۇيەسى جوعارى دەڭگەيدە.