قاراعاندى وبلىسى, پريوزەرسك قالاسىنداعى بالقاش كولىندە قۇتقارۋشىلار 1995 جىلى تۋعان ايەلگە كومەك كورسەتتى. ول قاتتى اعىسقا قارسى جۇزە الماي, جاعالاۋعا جەتە الماي قالعان. بۇل تۋرالى تجم ءمالىم ەتتى.
— ايەلدى اعىس الىپ كەتكەن. قۇتقارۋ شەڭبەرىنە جەتۋگە تىرىسقان, الايدا اعىسقا قارسى جۇزۋگە شاماسى جەتپەي, قالىپ قويعان. قۇتقارۋشىلار دەرەۋ ارەكەت ەتىپ, ونى سۋدان شىعارىپ, جاعاعا جەتكىزدى, — دەلىنگەن حابارلامادا.
قازىرگى تاڭدا جاعدايى تۇراقتى. وعان مەديتسينالىق تەكسەرۋ مەن قاجەتتى كومەك الۋ ءۇشىن اۋرۋحاناعا جەتكىزىلدى.