ەل ۇكىمەتى يسلام دامۋ بانكىنەن 1,1 ميلليارد دوللار كولەمىندە نەسيە الادى. بۇل تۋرالى بۇگىن پرەمەر-مينيستر كەڭەسشىسى نۇرلان بايبازاروۆ پەن يدب پرەزيدەنتى مۇحاممەد سۇلەيمان ءال-دجاسسەردىڭ كەزدەسۋىندە كەلىسىم جاساپ ايتتى, دەپ جازادى Egemen.kz.
قاراجات يندۋستريالىق ايماقتارداعى ينفراقۇرىلىمدى دامىتۋعا جۇمسالادى. جوبا اياسىندا ەلگە 1,6 ترلن تەڭگە ينۆەستيتسيا تارتىلىپ, 16 مىڭ جۇمىس ورنى اشىلادى دەپ جوسپارلانعان.
سونداي-اق تاراپتار جالپى قۇنى 8 ملرد دوللاردان اساتىن باسقا دا بىرلەسكەن جوبالاردى ىسكە اسىرۋعا نيەتتى ەكەنىن مالىمدەدى.
بۇعان دەيىن بانك قازاقستانعا 1,15 ملرد دوللار نەسيە بەرىپ, سول قاراجات سۋ قويمالارىن سالۋعا جانە 115 كانالدىڭ جۇمىسىن جاڭعىرتۋعا باعىتتالعان بولاتىن.