ۋيمبلدون: الەكساندر بۋبليك جارىس جولىنان شىعىپ قالدى

جارىستىڭ 28-راكەتكاسى بولىپ تىركەلگەن قازاقستاندىق تەننيسشى باستاپقى ويىنىن الەمدىك رەيتينگىدە 55-ورىندا تۇرعان يسپانيالىق حاۋمە مۋنيارمەن وتكىزدى.

بۇل قوس سپورتشىنىڭ ءوزارا العاشقى كەزدەسۋى ەدى.

ءبىرىنشى پارتيادا مۋنيار 3:1 ەسەبىمەن العا شىعىپ, سول قارقىنىنان تانعان جوق — 6:4.

ەكىنشىسىندە ەسەپ 3:2 بولعان مەزەتتە بۋبليك برەيك جاساي ءبىلدى — 6:3.

ءۇشىنشى سەتتە يسپانيالىق تەننيسشى 3:1 ەسەبىمەن العا كەتكەنىمەن, بۋبليك الىسقا ۇزاتپادى — 3:3. سودان كەيىن تاعى ءبىر برەيك جاساپ, ءوز گەيمىن دە الدى — 6:4.

ءتورتىنشى پارتيادا ەسەپ 1:1 بولعاندا, قازاقستاندىق سپورتشى برەيككە قول جەتكىزدى. الايدا ەسەپ 5:4 بولىپ, ماتچقا دوپ بەرگەندە, سول مۇمكىندىگىن ءمۇلت جىبەردى. تاي-برەيكتە مۋنياردىڭ اسىعى الشىسىنان ءتۇستى — 7:6 (7:5).

شەشۋشى, بەسىنشى سەتتە مۋنيار جەڭىستى ج ۇلىپ الدى — 6:2.

ءۇش ساعات 25 مينۋتقا سوزىلعان باسەكەدە بۋبليك 21 ەيسپەن بىرگە 12 برەيك-پوينتتىڭ تەك بەسەۋىن جۇزەگە اسىردى. مۋنيار 8 ەيس, 6 برەيكپەن (9 برەيك-پوينت) كوزگە ءتۇستى.

ح.مۋنيار ءۇشىنشى اينالىمعا شىعۋ ءۇشىن الەمنىڭ 58-راكەتكاسى, ماجارستاندىق فابيان ماروجانمەن تالاسادى. ول العاشقى اينالىمدا رەيتينگىدە 181-ساتىداعى اۋستراليالىق دجەيمس ماككەيبتى جولدان تايدىردى — 6:1, 6:4, 6:3.

وتكەن جىلى ا.بۋبليك ۋيمبلدوندا ءۇشىنشى اينالىمعا دەيىن جەتكەن ەدى.