سپورتشىلاردىڭ وتكەن اپتاداعى جەتىستىكتەرى

كوركەم گيمناستيكا: سوفيادا (بولگاريا) يۋنيورلار اراسىنداعى الەم چەمپيوناتىندا اقمارال ەرەكەشەۆا تاريحي جەتىستىككە قول جەتكىزدى. ول دوپ جانە لەنتا جاتتىعۋلارىندا التىن, شىعىرشىق جاتتىعۋىندا كۇمىس مەدال جەڭىپ الدى.

سەمسەرلەسۋ: يندونەزيانىڭ بالي قالاسىندا ازيا چەمپيوناتىندا وتانداستارىمىز 1 كۇمىس جانە 1 قولا جۇلدە ەنشىلەدى.

سپورتتىق گيمناستيكا: Challenge Cup (وزبەكستان) جارىسىندا ۇلتتىق قۇرامانىڭ ءۇش سپورتشىسى جۇلدەگەرلەر قاتارىنان كورىندى.

بايداركا جانە كانوەمەن ەسكەك ەسۋ: تايلاندتىڭ رايونگ قالاسىندا وتكەن ازيا چەمپيوناتىندا (U23) ۇلتتىق قۇراما 6 التىن, 6 كۇمىس, 3 قولا مەدال ەنشىلەپ, جالپىكوماندالىق ەسەپ بويىنشا 2 ورىن الدى.

كۇرەس: ۆەتنامنىڭ ۆۋنگتاۋ قالاسىندا 23 جاسقا دەيىنگىلەر اراسىنداعى ازيا باسەكەسىندە بالۋاندارىمىز 6 التىن, 6 كۇمىس, 7 قولا مەدال ولجالادى.

جاعاجاي ۆولەيبولى: تايلاندتىڭ رويەت قالاسىندا جاستار اراسىنداعى ازيا چەمپيوناتىندا قازاقستان قۇراماسى جەڭىمپاز اتاندى. بۇل – ەل تاريحىنداعى جاستار اراسىنداعى ازيا چەمپيوناتىنداعى العاشقى التىن.

ساداق اتۋ: سينگاپۋردەگى ازيا كۋبوگى كەزەڭىندە قازاقستان قۇراماسى 2 التىن جانە 1 قولا مەدال جەڭىپ الدى.

تەننيس: قازاقستاننىڭ ءبىرىنشى, الەمنىڭ 45-راكەتكاسى الەكساندر بۋبليك گەرمانيانىڭ گاللە قالاسىندا ATP 500 ءتۋرنيرىنىڭ جەڭىمپازى اتاندى. فينالدا ول الەمنىڭ 11-راكەتكاسى رەسەيلىك دانيل مەدۆەدەۆتى جەڭدى.سونداي-اق زارينا دياس يسپانيادا ITF W35 تۋرنيرىندە توپ جاردى.