قازاقستان بوچچا فەدەراتسياسىنىڭ پرەزيدەنتى ماۋلەن اشىمباەۆ ينكليۋزيۆتى سپورت ورتالىعى قۇرىلىسىنىڭ بارىسىمەن تانىستى. ەلوردا اكىمى جەڭىس قاسىمبەكپەن الەۋمەتتىك ينفراقۇرىلىم مەن ونى جابدىقتاۋ ماسەلەلەرىن تالقىلادى.
ينكليۋزيۆتى سپورت ورتالىعىنىڭ قۇرىلىسى بيىل كوكتەمدە باستالدى. بولاشاقتا مۇندا پاراسپورتشىلار جاتتىعۋ جاساپ, جارىستارعا دايىندالادى. سونداي-اق وڭالتۋدان دا وتەدى. كاسىبي جاتتىقتىرۋشىلار قىزمەتى مەن ارنايى جابدىقتالعان اۋقىمدى زالداردىڭ مۇمكىندىگى زور. سونىڭ ىشىندە فۋتبول مەن باسكەتبولدى اربامەن ويناۋعا, ۇستەل تەننيسى مەن گولبولدى, ۆولەيبولدى وتىرىپ ويناۋعا, بوچچاعا ارنالعان زالدار بار. سونداي-اق ورتالىقتا مۇگەدەكتىگى بار بالالار مەن ەرەسەكتەرگە ارنالعان دەنە شىنىقتىرۋ, سپورت, وڭالتۋ قىزمەتتەرى كورسەتىلەدى.
ادىلەتتى قازاقستان تۇجىرىمداماسىنىڭ باسىم باعىتى – ينكليۋزيۆتى قوعام قۇرۋ جانە مۇگەدەكتىگى بار ازاماتتارعا تەڭ مۇمكىندىك جاساۋ. بۇل رەتتە م.اشىمباەۆ پرەزيدەنت ينكليۋزيۆتى تاسىلدەردى ىسكە اسىرۋعا باسا نازار اۋدارىپ وتىرعانىن اتاپ ءوتتى. ەلىمىزدە جۇرگىزىلىپ جاتقان جاڭارۋلاردىڭ نەگىزى – ادىلەتتىلىك قاعيداتىنا ينكليۋزيۆتى قوعام قۇرماي قول جەتكىزۋ مۇمكىن ەمەس.