پرەمەر-مينيستر ولجاس بەكتەنوۆ تاۋەلسىز مەملەكەتتەر دوستاستىعى ۇيىمىنا مۇشە ەلدەر ۇكىمەتتەرى باسشىلارىنىڭ كەڭەسىنە قاتىسۋ ءۇشىن دۋشانبە قالاسىنا باردى. وندا بەلارۋس رەسپۋبليكاسىنىڭ پرەمەر-ءمينيسترى الەكساندر تۋرچينمەن ەكىجاقتى كەزدەسۋ ءوتتى.
كەزدەسۋ بارىسىندا قازاقستان-بەلارۋس ىنتىماقتاستىعىن دامىتۋ ماسەلەلەرى تالقىلانىپ, ۇكىمەتارالىق ءوزارا ءىس-قيمىلدى كۇشەيتۋ جانە جوعارى دەڭگەيدە قول جەتكىزىلگەن ۋاعدالاستىقتاردى ناقتى ىسكە اسىرۋدى ۇيلەستىرۋ قاجەتتىگى اتاپ ءوتىلدى.
2024 جىلى قازاقستان مەن بەلارۋس اراسىنداعى تاۋار اينالىمى 900 ملن دوللارعا جەتتى, بيىلعى ءبىرىنشى توقسان قورىتىندىسى بويىنشا بۇل كورسەتكىش وتكەن جىلدىڭ سايكەس كەزەڭىمەن سالىستىرعاندا 3,6%-عا ارتىپ, 200 ملن دوللارعا جۋىقتادى.
تاراپتار ىنتىماقتاستىقتى جانداندىرۋعا جانە ىسكەر توپتار اراسىنداعى بايلانىستاردى نىعايتۋعا جاردەمدەسۋ تۋرالى ۋاعدالاستىققا قول جەتكىزدى.
سونداي-اق كەزدەسۋ سوڭىندا تمد شەڭبەرىندەگى ءوزارا ءىس-قيمىل كەلەشەگى, ونىڭ ىشىندە تۇراقتى ەكونوميكالىق ءوسۋدى قامتاماسىز ەتۋ جانە ەكى ەل حالقىنىڭ ءال-اۋقاتىن جاقسارتۋ جونىندەگى بىرلەسكەن باستامالار تالقىلاندى.