ۇكىمەت وتىرىسىندا قارجى ۆيتسە-ءمينيسترى داۋرەن كەڭبەيىل مەملەكەتتىك ساتىپ الۋ مەرزىمدەرىن قىسقارتۋ باعىتىندا اتقارىلىپ جاتقان جۇمىستار تۋرالى بايانداما جاسادى. بۇرىن كونكۋرس وتكىزۋ جانە جەڭىمپازدى انىقتاۋ پروتسەسى شامامەن ەكى ايعا سوزىلسا, قازىر بۇل مەرزىم ەداۋىر قىسقارعان, دەپ حابارلايدى Egemen.kz.
پرەمەر-مينيستر ولجاس بەكتەنوۆ بۇل باعىتتارداعى وڭ وزگەرىستى ەرەكشە اتاپ ءوتتى.
«ماعان باياندالعانداي, قازىرگى تاڭدا كونكۋرستار ءبىر اپتانىڭ ىشىندە ءوتىپ جاتىر. بۇل راسىندا دا سولاي ما؟» دەپ ناقتىلادى.
ۆيتسە-ءمينيستردىڭ ايتۋىنشا, جاڭا زاڭناما اياسىندا كونكۋرس مەرزىمى 10 كۇنگە دەيىن, ال رەيتينگتىك-باللدىق جۇيە ارقىلى ساتىپ الۋ 5 كۇن ىشىندە اياقتالادى.
«مەرزىمدەردى قىسقارتۋمەن قاتار, پروتسەستەردى وڭتايلاندىرىپ, اۆتوماتتاندىرۋ تەتىكتەرىن ەنگىزىپ جاتىرمىز», دەدى داۋرەن كەڭبەيىل.
پرەمەر-مينيستر مەملەكەتتىك ساتىپ الۋ جۇيەسىن جەتىلدىرۋدى ءارى قاراي جالعاستىرۋدى تاپسىردى.