شىعىس قازاقستان وبلىسى اكىمىنىڭ جۇلدەسى ءۇشىن ۇلى جەڭىستىڭ 65 جىلدىعىنا ارنالعان ءحىV حالىق ويىندارى مارەسىنە جەتتى. 5 قالا, 14 اۋدان وكىلدەرى قاتىسقان اۋىل سپورتشىلارى حالىق ويىندارىنىڭ وننان استام ءتۇرى بويىنشا جۇلدەلەردى ساراپقا سالدى. ءناتيجەسىندە قالالار اراسىندا وسكەمەندىكتەر 375 ۇپايمەن توپ جارىپ, كۋبوكتى جەڭىپ الدى. ەكىنشى, ءۇشىنشى ورىنداردى تيىسىنشە سەمەي مەن زىريان قالاسىنىڭ تۇلەكتەرى ءبولىستى.
ال اۋداندار اراسىندا بيىل تاعى دا جارما اۋدانىنىڭ وكىلدەرى اعارىپ الدان كورىندى. كوكپەكتى مەن تارباعاتاي اۋداندارىنىڭ سپورتشىلارى ەكىنشى جانە ءۇشىنشى ورىندارعا تابان تىرەدى. بيىل قىز قۋ, بايگە, قازاق كۇرەسى, گىر كوتەرۋ, جۇگىرۋ, باسقا دا جارىستاردا ۇلان, گلۋبوكوە, ءۇرجار, شەمونايحا, بەسقاراعاي, كاتونقاراعاي, زايسان, اياگوز اۋداندارى ءبىرشاما ءتاۋىر ناتيجەلەرگە قول جەتكىزدى. الايدا, كەيبىر اۋدانداردا ۇلتتىق ويىنداردىڭ دەڭگەيى تومەندەپ كەتكەن. وسى سەبەپتى, قالا مەن اۋىلدار اراسىندا ساباقتاستىق قالىپتاستىرۋ ءۇشىن تۋريزم باسقارماسى باسشىلارى اۋىلدارعا جيىرەك بارىپ, حالىق ويىندارىنىڭ العا باسۋىنا نازار اۋدارۋلارى ءتيىس.
الامان بايگەدە توپ جارعان كۋرچاتوۆتىق ن.ابسالياموۆتىڭ “بوناپارت” تۇلپارى “جيگۋلي” كولىگىن جەڭىپ الدى. باسقا دا جەڭىمپازدار باعالى سىيلىقتارمەن ماراپاتتالدى.
شىعىس قازاقستان وبلىسى.