ءاربىر ەكىنشى ازامات سىيلىقتى ونلاين ساتىپ الادى

ارينە, ونلاين تاپسىرىس بەرۋ كەزىندە تۇتىنۋشىلار ماركەتپلەيستەر كومەگىنە جۇگىنەدى. ويتكەنى ولاردىڭ اسسورتيمەنتى كەڭ, باعالارى تارتىمدى جانە قاجەتتى ءونىمدى تەز تابۋعا بولادى. Ozon.kz ستاتيستيكاسى بويىنشا 2024 جىلى ءبىر پايدالانۋشىعا كەلەتىن تاپسىرىس جيىلىگى 2023 جىل­مەن سالىستىرعاندا 56%-عا وسكەن.

«ەل تۇرعىندارى ونلاين-شو­پينگتى ءتيىمدى پايدالانادى: ساۋال­ناما ناتيجەلەرىنە سايكەس ساتىپ الۋ­شىلاردىڭ كوبى (43,9%) تا­ۋارلاردى تاڭداۋ كەزىندە ءارتۇرلى الاڭداعى ۇسىنىستاردى سالىس­تىرا وتىرىپ, ساپا مەن باعا اراقاتىناسىن باسشىلىققا الادى. رەسپوندەنتتەردىڭ ۇشتەن ءبىرى (32,3%) «تاڭداۋلىلارعا» نەمەسە «سەبەتكە» قوسىلعان تاۋارلارعا جەڭىلدىكتەر بولۋىن قاداعالاپ وتىراتىنىن راستادى. سونداي-اق ءاربىر ءۇشىنشى (30,9%) ازامات ساۋ­دانى اقشا (جالاقى, سىياقى) تۇسكەنگە دەيىن كەيىنگە قالدىرادى. رەسپوندەنتتەردىڭ سونداي بولىگى (شامامەن 30,5%) ساۋدا جاساماس بۇرىن تاۋاردى ساتىپ الۋ قاجەتتىلىگىن باعالاپ, وزىنە «ويلانۋعا ۋاقىت» بەرەدى. ەڭ از تانى­مالى (14,9%) «كوردىم – ساتىپ الدىم» ەموتسيو­نالدى ستسەناريى بولدى, بۇل تۇتىنۋشىلاردىڭ شوپينگكە دەگەن سانالى ءارى ۇتىمدى كوز­قاراسىن دالەلدەيدى», دەپ مالىمدەيدى.

تۇرعىندار مەرەكەگە دايىندىق كەزىندە ماركەتپلەيستەردى جيىرەك تاڭدايتىن كورىنەدى. رەسپون­دەنت­تەر­دىڭ 54,8%-ى مەرەكەلىك سىيلىق پەن تاۋارلارعا ينتەرنەت ارقىلى تاپ­سىرىس بەرۋدى تاڭداسا, 39,4%-ى عانا ءداستۇرلى دۇكەندەردى قولاي كور­گەن.

«بۇل ءۇردىس ءتۇرلى تاۋار ساناتتارىندا بايقالادى. ماسەلەن, رەسپوندەنتتەردىڭ 49%-ى – كوسمەتيكا مەن پارفيۋمەريا ساتىپ الۋ ءۇشىن, 46,5%-ى – ءۇي تاۋارلارى ءۇشىن, 42,1%-ى – بالالارعا ارنالعان تاۋارلار ءۇشىن, 48,1%-ى اكسەسسۋار مەن حوببي جانە شىعار­ماشىلىق تاۋارلارى ءۇشىن ونلاين-شوپينگتى تاڭدايدى. بۇل رەت­تە ءاربىر ءۇشىنشى تۇرعىن (33%) ماركەتپلەيستە ءبىر تاپسىرىسقا 10 000-نان 30 000 تەڭگەگە دەيىن اقشا جۇمسايدى. ازاماتتاردىڭ سىيلىقتى بەلسەندى ساتىپ الاتىن ەڭ تانىمال سەبەپتەرى –  تۋعان كۇن (39,5%), جاڭا جىل (34,4%) جانە ايەلدەر مەرەكەسى (25%)», دەيدى «Ozon قازاقستان».