«Golden Compass Capital» اق تۇرار رىسقۇلوۆ اۋدانى اۋماعىنداعى التىن ءوندىرۋ جۇمىسىن 2012 جىلى باستادى. جىلدار وتە كەلە «كوكقيا» سەكىلدى بىرقاتار كەن ورىندارىنىڭ بارلاۋ بلوكتەرىندە بارلاۋ جۇمىسىن جانداندىردى. 2019 جىلى بارلاۋ بلوكتارىن ءبولۋ جونىندەگى كونكۋرسقا قاتىسىپ, «تالدىبۇلاق», «ۆوستوچنىي», «تالدىبۇلاق زولوتوي», «قايىڭدى» سەكىلدى بلوكتاردى بارلاۋعا ارنالعان ليتسەنزيانى يەلەندى.
2023 جىلى جالپى قۇنى 5 800 ملن تەڭگەنى قۇرايتىن 343,8 كيلو التىن وندىرسە, وتكەن جىلى جالپى قۇنى 6 931,2 ملن تەڭگەنى قۇرايتىن 434 كيلو مەجەسىن باعىندىردى. كاسىپورىن سونداي-اق قايىرىمدىلىق ءىس-شارالارىنا دا بەلسەندى قاتىسادى. پاندەميا كەزىندە «اۋليە-اتا پارىزى» قوعامدىق قورىنا – 5 ملن, «ەلاي قۇلان» مۇمكىندىگى شەكتەۋلى جانداردىڭ قوعامدىق بىرلەستىگىنە – 600 مىڭ, اۋداندىق ورتالىق اۋرۋحاناعا 12 ملن تەڭگە قاراجات اۋداردى. كوپبالالى وتباسىنىڭ ءۇيىن جوندەۋدەن وتكىزۋگە دە قولۇشىن سوزدى. شاعىن فۋتبول الاڭىنا قاجەتتى تور, جاساندى جابىن الۋ ءۇشىن 5 ملن تەڭگە اۋدارعان.
«بۇدان بولەك جارىسۋ اۋىلىنا اۋىزسۋ ۇڭعىماسىن سالۋ ءۇشىن 10 ملن تەڭگە قاراجات بەردى. ايتا بەرسەك, التىن كەنىن وندىرۋمەن اينالىساتىن ءىرى كاسىپورىن باسشىلىعىنىڭ شاراپاتىن كورگەن ءتۇرلى ۇيىمدار دا, جەكەلەگەن ازاماتتار دا از ەمەس», دەيدى اۋداندىق كاسىپكەرلىك ءبولىمىنىڭ باسشىسى ساقتاسىن تاستانوۆ.
ىرگەلى كاسىپورىندا ەڭبەك ەتەتىن جۇمىسشىلار ەكى ساناتقا بولىنەدى. ولار ەڭبەگىنە قاراي ناپاقا الىپ ءجۇر. جۇمىسشىلاردىڭ ورتاشا جالاقىسى 242 087 تەڭگەنى قۇراسا, كومپانيا قىزمەتكەرلەرى 341 248 تەڭگە ەڭبەكاقى الادى.
جامبىل وبلىسى,
تۇرار رىسقۇلوۆ اۋدانى