3 ميلليون توننا بولات شىعارادى

جوبا اياسىندا تارتىل­عان ينۆەستيتسيا كولەمى – 564 ملرد تەڭگە. الپاۋىت كومپانيا وندىرىستەگى تاجىريبەسى­نە سۇيەنىپ, تەمىر رۋداسىن تەرەڭ وڭدەۋدىڭ تولىق تسيكلىن جولعا قويۋعا تاۋەكەل ەتكەن. ءبىرىنشى كەزەڭدە 1 ملن تونناعا دەيىن ارماتۋرا, سوزبا سىم, بۇرىشتى بولات ءوندىرۋدى قولعا السا, كەيىن 2 ملن توننا ءپروفيلدى جانە جولاقتى بولات شىعارۋدى قولعا الماق. العاشقى كەزەڭدە 1 000-نان اسا ادام «ەكى قولعا ءبىر كۇرەك» تاپسا, تولىق قۋاتقا كوش­كەندە 2 500 ازامات تۇراقتى جۇمىسپەن قامتىلادى.

كومپانيا وكىلدەرىنىڭ ايتۋىنشا, تەمىردى باستاپقى قالپىنا كەلتىرۋ تەحنولوگياسى ارقىلى ءونىم قۇرامىنداعى تەمىردىڭ جوعارى مولشەردە ساقتالۋىنا باسىمدىق بەرىلمەك.

«مەملەكەت باسشىسى مەن ۇكىمەتتىڭ قولداۋى ارقاسىندا وڭىردە ينۆەستورلار ءۇشىن قولايلى احۋال قالىپتاستى. شەتەلدىڭ ىرگەلى كومپانيالارىمەن بىرلەسە جۇمىس ىستەۋ ارقىلى ءىرى جوبالاردى ىسكە اسىرۋعا باسىمدىق بەرىپ وتىرمىز. ءوڭىردىڭ ينۆەستيتسيالىق قور­جىنىندا قۇنى 3,6 ترلن تەڭگەنى قۇرايتىن, 10 مىڭنان استام جاڭا جۇمىس ورنىن قۇرۋعا باعىتتالعان 82 جوبا بار. وسى جىلى جالپى سوماسى 175,2 ملرد تەڭگەنى قۇرايتىن 30 جوبانى ىسكە اسىرۋدى جوسپارلاپ وتىرمىز. بيىل ءبىرىنشى توقساندا وتكەن جىل­دىڭ سايكەس كەزەڭىمەن سالىستىرعان­دا تارتىلعان ينۆەستيتسيا كولەمى 37,1%-عا ارتتى. قولعا الىنىپ وتىرعان جوبا – مەملەكەت پەن بيزنەس اراسىنداعى تابىس­تى ىنتىماقتاستىقتىڭ جارقىن ۇلگىسى ءارى جاڭا مۇمكىندىكتەر مەن تۇراقتى ءوسۋدىڭ كورسەتكىشى», دەيدى ءوڭىر باسشىسى ەربول قاراشوكەەۆ.

«Fujian Hengwang Investment Co Ltd» كومپانياسىنىڭ باسقارما توراعاسى تسزەن چجاوتسيان قازاقستان تاراپىنان كورسەتىلگەن قولداۋعا ءدان ريزا ەكەنىن جەتكىزدى. ونىڭ ايتۋىنشا, اۋقىمدى جوبا كورشىلەس ەلدەر اراسىنداعى بايلانىستى بەكەمدەي تۇسۋگە دانەكەر بولماق.

بۇدان كەيىن ءوڭىر باسشىسىنىڭ قاتىسۋىمەن جۇگەرىنى تەرەڭ وڭدەۋ بويىنشا اۋقىمدى ينۆەستيتسيالىق جوبانى جۇزەگە اسىرۋعا بايلانىستى جاڭا زاۋىتتىڭ ىرگەتاسى قالاندى. جوباعا قاتىسۋشى «Shengtai Biotech Co Ltd» جشس وكىلدەرىنىڭ ايتۋىنشا, ىسكە حالىقارالىق نارىققا ارناپ بيوونىمدەر وندىرۋمەن اينالىساتىن «Fufeng Group» كومپانياسى كىرىسكەن. جاڭا زاۋىتتىڭ وندىرىستەگى قۋاتى جىلىنا 500 مىڭنان 1 ملن تونناعا دەيىن جۇگەرى وندىرۋگە جەتەدى. جوبا اياسىندا تارتىلعان ين­ۆەس­­تيتسيا كولەمى – 420 ملرد تەڭگە.

جوبانىڭ قۇرىلىس كەزەڭىندە 6 مىڭ ادام جۇمىسپەن قامتىلادى. زاۋىت پايدالانۋعا بەرىلگەن كەزدە 1 500 جۇمىس ورنى قۇرىلادى. دەسە دە كاسىپ­ورىن باستاپقى كەزەڭدە 400 ادامدى جۇمىسپەن قامتيدى. كومپانيا باسشىلارى 2026 جىلى ءونىم ءوندىرۋ ءۇشىن ازىرگە 300 مىڭ توننا جۇگەرى ساتىپ الۋعا قۇلشىنىپ وتىر. سوندىقتان جامبىلدىق شارۋالارمەن وفتەيك-كەلىسىمشارت جاساسىپ, ءوزارا ءتيىمدى ارىپتەستىك نەگىزىندە جۇمىس ىستەۋگە نيەتتى.

«پرەزيدەنت وڭدەلگەن اۋىل شارۋا­شىلىعى ونىمدەرىنىڭ ۇلەسىن 70%-عا جەتكىزۋ تۋرالى تاپسىرما بەردى. سون­دىقتان ءداندى داقىلداردى تەرەڭ وڭدەۋ ىسىنە باسىمدىق بەرەمىز. بۇل زاۋىت ەگىستىكتەن باستاپ, تۇتىنۋشىعا دەيىن قوسىلعان قۇنى جوعارى ءونىم وندىرەتىن ءبىرتۇتاس جۇيەنى قالىپتاستىرادى», دەيدى وبلىس اكىمى.

جامبىل وبلىسى,

شۋ اۋدانى