جۋىردا الماتى قالالىق جەدەل شۇعىل كومەك كورسەتۋ اۋرۋحاناسىنا جاسى جۇزگە جەتكەن ماريا اجەي كەنەتتەن تۇسكەن ەدى. ۇيىندە ابايسىزدا قۇلاپ قالعان كەيۋاناعا جەدەل جاردەم قىزمەتى دەرەۋ كومەك كورسەتىپ, اۋرۋحاناعا جەتكىزگەندە, سول جاق جامباسىنىڭ سىنعانى, ناقتىراق ايتقاندا, سۇيەك بولىكتەرىنىڭ ىعىسۋىنان اۋىر جاراقات العانى انىقتالعان بولاتىن, دەپ جازادى Egemen.kz.
مۇنداي دياگنوز كەز كەلگەن ادام ءۇشىن اۋىر جاعداي ەكەنى انىق, ال عاسىر جاساعان اجەي ءۇشىن بۇل – ءومىر مەن ءولىم اراسىنداعى وقيعا ەكەندىگى ايان. الايدا, التىن قولدى دارىگەرلەر بۇل سىناقتان قايمىقپاي, ناۋقاس اۋرۋحاناعا جەتكىزىلگەن كۇنى-اق وعان شۇعىل تۇردە جابىق رەپوزيتسيا جانە وستەوسينتەز ءادىسى ارقىلى «گامما» ءتيپتى ينترامەدۋلليارلىق شتيفتپەن جامباس سۇيەگىن بەكىتۋ وتاسى جاسالدى. بار بولعانى 30 مينۋتقا سوزىلعان بۇل كۇردەلى وتا ءساتتى اياقتالدى.كۇردەلى وتا تراۆماتولوگيا جانە ورتوپەديا بولىمشەسىنىڭ مەڭگەرۋشىسى مەدەت جانىسوۆتىڭ جەتەكشىلىگىمەن جاسالىپ, اسسيستەنت يسلامبەك نۇرماحاشەۆ, انەستەزيولوگ الىبەك ساتىبالديەۆ پەن وتالىق مەدبيكە اسەل ابىلعازينوۆا حيرۋرگيالىق ارالسۋدىڭ ءساتتى وتۋىنە اتسالىستى كاسىبي شەبەرلىك پەن كوماندالىق ۇيلەسىمدى جۇمىستىڭ ارقاسىندا ماريا اجەي بىرنەشە كۇننىڭ ىشىندە بالداققا سۇيەنىپ, قوزعالا باستادى.جەتىنشى كۇنى ونىڭ جاعدايى قاناعاتتانارلىق دەپ باعالانىپ, امبۋلاتوريالىق ەم الۋ ءۇشىن ۇيىنە شىعارىلدى.ء«جۇز جاس – ۇلكەن بەلەس. وسىنداي جاسقا كەلگەن ادامنىڭ قايتا ءجۇرىپ كەتكەنىن كورۋ – ءبىز ءۇشىن زور مارتەبە. بۇل – ۋاقتىلى كورسەتىلگەن مەديتسينالىق كومەكتىڭ, زاماناۋي ءتاسىل مەن ەڭ باستىسى, ناۋقاستىڭ ومىرگە دەگەن قۇلشىنىسىنىڭ جەمىسى», دەيدى بولىمشە مەڭگەرۋشىسى مەدەت جانىسوۆ.ال ماريا اجەي ءوز ءىسىنىڭ مايتالماندارىنا اينالعان ماماندارعا ءوز العىسى مەن اق باتاسىن بەرىپ وتىر.